تايم ضحك ههههه

مره وانا قاعده في بيتي لحالي وزوجي في الدوام مستلم قعدت
ارتب بيتي وانظفه وابخره وانشغلت عن ولدي الصغير،
واسمع صياحه جاي من جهة الدرج واطلع اركض والاقي راسه ناشب بين فتحات
السلم ، واحاول اطلع راسه احاول واخيراً طلع الحمد لله،
واستغرب كيف ينشب راسه في السلم والفتحه وسيعه ؟!!
فقررت ادخل راسي ابشوف كيف نشب
واقوم ادخل راسي ودخل بكل سهوله ويسر
واجي ارجع راسي على ورى الا ودقر راسي
واحاول احاول احاول مو راضي يطلع
وانا انخرش وافكر كيف ابتصرف هل بجلس لبكره وراسي معلق
وولدي وش بيصير فيه؟ وزوجي ان جا وجاب الدفاع المدني كيف بيكون شكلي كذا يفشل
كله كوم ولو سالوني :وش جاب راسك بين فتحات السلم
ولو مت بيتهمون زوجي المسكين
واحاول محاولات يائسه واخيره قبل لا استسلم لقدري المحتوم
وادعي ربي ياربي ياربي ارحم ضعفي وقلة حيلتي يارب
عبدك بفنائك مسكينك بفنائك الا وطلع راسي بكل انسيابيه مثل مادخل
واقوم اهبط شوشتي المقلعه من الروعه والمنازع
وارجع اكمل شغلي ولاقلت لحد الا انتم..!




بقولكم قصتي بدون مقدمات أنا مخطوبه وأهلي عندهم عيب انو اشوف خطيبي مع انو ملكنا وسار زوجي يعني مايشوفني غير وقت الزواج المهم ابوي عزمه عندنا على الفطور في رمضان طبعا هديت حيلي في الطبخ وأمي ربي يسعدها مدهره معي نبي نبيض الوجه المهم قدمنا الفطره وانفاسي على الأخير من التعب و بعد الفطور جاء اخوي وقالي خطيبك يبي يشوفك قلت شلون عيبوانا بداخلي بطير من الفرحه قال اخوي معليك أنا اضبطك إذا الوالد راح صلاه الترويح اخليك تقابلينه بس عدلى شكلك 😞 وانا اطير آخذ دش واطلع واخواتي إلى تطلع لبس والي ماسكه كشتي وانا ارجف قلبي بيطلع من مكانه و الوالده تبخرني وتستودعني الله خايفه ابوي يكشفني والكل يعطي نصائح ادخلي بثقه والى يقول خلك خجول وانا ميته خووووف وأخوي يجي يقول عجلي شوي وابوي ييبي يطلع وانفاسي ثقلت و اعطي المرايه نظرات أبي اشوف شكلي شلون اناظره المهم ابوي طلع خلاص حان وقت الشوفه من الفرحه أرسلت لصديقاتي بلقروب قلت لهم الحين بقابل خطيبي دعواتكم والقروب يشتغل حمسوني يسعدهم المهم وخوي قال يالله ومسك يدي قال خلك ثقيله وصلني لين الباب ودخل قبلي قال لخطيبي أم عيالك بتدخل والكلمه لخبطتني دخلت واناظر ما في غير المراكي أتلفت ما في أحد وأخوي ميت ضحك على طلع مقلب ..