سعد بنته منيرة

هذي وحدة اسمها
منيرة بنت سعد
كبيرة بالسن بس سنعة وشقردية
وأفنت حياتها لعيالها وزوجها
وفي يوم قالت : شلون ما أعرف أقرأ ولا أكتب
ودي أقرأ قرآن ودي لو أكتب اسمي
وعزمت إنها تدخل محو الأمية
وجابو لها عيالها شنطة فيها دفاتر وأقلام
وحتی عباة جديدة لزوم المدرسة
وسجلت وقبلت وبدت تتعلم
وأول شي علموها
كيف تكتب اسمها واسم أبوها سعد
فدمعت عينها وهي تكتب
وجت المعلمة قالت وش فيك يا منيرة
قالت : ذكرت أبي الله يرحمه .. أول مرة اكتب اسمه في قرطاس
وتحمست المعلمة قالت يالله بنكتب اسمك كامل
منيرة بنت سعد
وفجأة رمت القلم وصار وجهها أحمر
_وش فيك؟؟
_قالت تبيني أكتب اسمي قبل اسم أبوي؟!
_والله اسم أبوي قبل اسمي
قالت المعلمة: كل الناس كذا
_ ردت منيرة: إذا صاروا ما يستحون أصير زيهم
_ لا وألف لا
يابنت الحلال راح يصير سعد بنت منيرة
_ قالت ولا اكتب اسم أبوي وراي الله يشرفه ويجعله بالفردوس
وعيت تكتبه ورا اسمها
آخر شي توصلوا لحل
وكتبت .. " سعد بنته منيرة "
وكتبته على دفاترها وكتبها لين تخرجت من الابتدائي

وكانت تأخذ الأولى عليهم وكل شهاداتها
" سعد بنته منيرة "
رحم الله قلوب طاهرة بارة بوالديها
يا حلاتهم بعض كبار السن
إمراة كبيرة بالسن:
لما حدثوها عن الجنة وأنه تسقط عنك التكاليف والعبادة !
_ قالت: أما الصلاة
والله ما أتركها أبفرش سجادتي تحت الشجيرات بالجنة وبصلي"
وأخرى
تقول يالله الجنة
مغير أصلي وأسبح وأهلل ...
قالوا لها خلاص
ما فيه تكاليف
ولا صلاة !!!
شهقت قالت : يا خزياه من ربي
نتسدح ونتبطح
ولا صلاة ولا عبادة ،
ما تركنا الصلاة بحياة الشقاء نتركها بالنعيم
قلوب تعلقت بمحبة لله..
فأين نحن ..؟