والله ما يكبر في عيون الرياجيل للشاعر سعد بن جدلان

والله ما يكبر في عيون الرياجيل للشاعر سعد بن جدلان


والله ما يكبر في عيون الرياجيل
الا مواقيف الرجال العظيمه

ولا الردي دايم ردي مثل ماقيل
راس ادمي والي تشيله بهيمه

عنز على الله ثم على صفوت الجيل
الطيب الطيب يامال الغنيمه

لا تلتفت على اهل القال والقيل
اللي يشيلون الرجوله ضليمه

ترى الجمل والعبد والداب والسيل
لازم ثقتك تكون فيهم عديمه

الحق في مانزل الله لجبريل
على الرسول اللي رضع من حليمه

واللي مع الساحر حمامه ومنديل
اول خيوط الفاحشه والجريمه

افلح ترى تالي النهار اول الليل
تماكن الفرصه وذب الخريمه

ورجل(ن) يشح بجاهه ووجهه بخيل
ويمنن تبادر بالمكارم كريمه

غنيمتٍ ترقابها الجدي وسهيل
وغنيمتٍ منها السلامه غنيمه

وخسارتن يطلع وراها محاصيل
الذ من فوزن بطعم الهزيمه

النفس تقبل مثل ماتقبل الخيل
وتصد لون النعم مستديمه

شين تخافه من عقوبه وتنكيل
وشين تعافه من كرامه وشيمه

لو كان تضحك من كلام المهابيل
لا بد ماتبكي من دموع اليتيمه

والوقت نفس الوقت مافيه تبديل
يمضي وينسخلك جديده قديمه

تكثر بركته بالدعاء والتهاليل
وتقل من قل النواياء السليمه

ودك ترجالك سراب وتماثيل
طرقي ووقتك قيض ورضك وخيمه

ولا تدور حاجتك عند دعبيل
خبلن يزم نفيسته في خشيمه

لون ما الله فضل الناس تفضيل
لفضل الأشجار معنى وقيمه

الناس منها الفود ماهوب بالحيل
والأشجار منها فود حتى الحشيمه

ابيات في غاية الرووعه
استمتعت ب التجول في متصفحك
شكرااا من الأعماق لروعة طرحك
ننتظر جديدك المميز

أبيات رائعه
سلمت يداك على هذا الإبداع
لك شكري وتقديري
دمت بخير

أخواني الأوفياء شرفني مروركم ومشاركتكم