اللي يمر الناس لازم يمرك

[SIZE="a"]اسمع من المنطــوق شيٍ يســرّك
وابعـد عن الهـرج الردي لاتحلاّه

واللي يمـــر النّـاس لازم يمــرّك
من زين والا شـين لابــد تلــــقاه

دنيا. المظـاهـر انتــبه لاتـــغرّك
كـم واحـدٍ مبلي وكـم واحدٍ تاه

وكم واحدٍ في هرجته لك يسرّك
وكم واحدٍ هــرجـه قلـيلٍ حلايـاه

والصاحب اللـي للمـشـاكل يجرّك
ابـعد عن دروبه وخــله لـممــشاه

وجنب عـن العـالم بخيرك وشرّك
خص السفيه إن ضايقك لاتحداه

واذا بغيت الشــور واللـي يبــرّك
شاور سديد الراي واحذر تعداه

واعرف صديقك يوم تعطيه سرّك
واحذر من اللي لاسمع سرك افشاه[/SIZE]

صح لسانك يابونايف

أبيات رائعة وفقك الله

دايما يعجبني اختيارك يبو نايف
صح السانك ولاهنت

[SIZE="a"]ابو فيصل ابو ساري
مروركم يسعدني يعطيكم الف عافيه[/SIZE]