يا شينها لا صرت بين أختيارين

طبعا قرأت قبل عدة أعوام قصيدة مميزة وأعجبتني لانها لامست امر في نفسي في تلك الفترة وكان لي محاولات شعرية طبعاً انا قلت محاولات ولم اقل اني شاعر
يقول فيها الشاعر
يا شينها لا صرت بين أختيارين ..
مستقبلك و إلا حبيباً تـــوده ..
و ياشينها لا صـرت معــدوم الأثنــين ..
و ضاع الرجاء و شلون تقدر ترده ..

طبعاً هذه القصيدة للـشآعر المبدع / سليـمآن المآنع

فجاريته القصيدة بأبيات أقول فيها

يا شينها لاصرت بين اختيارين =مستقبلي ولا حبيب أودة
ولاصرت مالي حل بين لاثنين =لي واحدٍ منهم وواحد أهده
لأنه يحول الدرب مابينهم بين =طول المسافة بينهم ما نعده
وصار من مثلي يعذب بنارين =وصار وقته بالثواني يعده
المر مر وزاد ذا المر مرين =ومالفرق بين المر لو بالمر زده
ليلي سهر واليوم أبكي بدمعين =وأحترت في الأمرين جورٍ وشده
أي الدروب أختار وأي المسارين =قالوا ظروفك تفرض البعد مده
الله يصبرني على البعد عامين =وقتي رماني بين وجورٍ وشده
قدر ظروفي وأقبل العذر يا زين =وأحفظ عهودٍ بين قلبين مده
قالت تريح ماهوى القلب أثنين =ولو تغيبتم سنينٍ معده
عهدي وعهدك باقي بيننا البين =حد الوعد منكم ولاطال زده
هذا الوفى للحب بين المحبين =الصدق قانونه والأخلاص حده
ريح ضميرك واتبع الرزق حولين =والرجل ماينجح بدون المسده
قلت النقا لك ياهوى القلب والعين =من قلب معدوم ظروفه تحده
والوقت لو طول ترى لك علي دين =لزوم نوفي به ولو بعد مده
ولابد يا الأيام لازم تحولين =بعد الشتات يجي من الوقت نده
والختم صلينا فروض المصلين =على شفيع الخلق في يوم عـده

هذه القصيدة تم نشرها تلبية لطلب العضو المدلل الاخ ابو عبدالله
والمعذرة مسبقا من الجميع