ياجار كانك طعتنـي برقـع الطيـر

السلام عليكم ورحمة الله وبركاته
قصيدة رااااااااااااااااااائعة


هذه القصيدة قالها الشاعر هادي الرزقي اليامي

عندما شاف بنت جاره دائما كاشفة وجهها

فقالها لجاره عشان يفهمها والآن أخليك مع القصيدة ... ..


الشاعرهادي الرزقي اليامي


ياجار كانك طعتنـي برقـع الطيـر

طيرك وحش واقلوبنـا مستميتـه

لولاي رجلٍ من رجال بهـم خيـر

ماصد وأغض النظر مـن بخيتـه

ياجار طيرك كل ماعرّض اعصيـر

مـدري علامـه يلتفـت مادعيتـه

يمر كنّـه شـارد الصيـد لاذيـر
لابوه لابـو حـي حيّـه ، وميتـه

اغير,وانذر ، وانذر القوم ، واغير
وابيع روحـي ، وانهـزم لابغيتـه

يردّنـي ياجـار طبـعٍ لنـا غيـر
الجـار مانـدرج لغـرَات بيـتـه

يبقى على حشمه ، وشيمه ، وتقدير
ويـروح عنّـي بالـردى ماقفيتـه

من خوف شيِ مابعد صار ، ويصير
يمّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه

يحدنـي يـم الخطـا دون تبريـر
اللـي بلانـي بالهـوى ، مابليتـه

وانا بشر منـي خطايـا وتقصيـر

الله يغفـر كـل ذنــبٍ جنيـتـه...

صح لسانك اخوي ابو بدر ولسان الشاعر هادي اليامي
قصيدة جميلة الله يعطيك العافية

صح بدنك أخوي الفتى الذهبي
اسعدني مرورك العطر شكرالك.
تحياتي

قصيدة جميلة ورائعة جدا
مشكوروالله يعطيك العافيه
وتحياتي لك

أبوعامر
أسعدني مرورك الجميل كل الشكرلك
تحياتي

ابو بدر
قصيدة جميلة ورائعة


تحياتي لك

أميرة
أسعدني مرورك الجميل والعطر كل الشكرلك
تحياتي

صح لسانك ولسان الشاعر هادي اليامي
ابـوبـــــــــــــــــــــــدر مبدع
تحياتي

يردّنـي ياجـار طبـعٍ لنـا غيـر
الجـار مانـدرج لغـرَات بيـتـه


قصيده جميله جدا بارك الله فيك الاخ ابو بدر وصح لسان الشاعر

الطير الجريح
ابوعبدالله
كل الشكرلكم على المرورالجميل