ياويل قلبي كل مااشتقت لقياه //

ياويل قلبي كل مااشتقت لقياه .............
....................وشلون ماتشتاق عيني لعينه

أنا أدري إني حيل أحبه وأهواه.............
...............وأنا أدري إن القلب صار بيدينه

أموت أنا به في غيابه وأحياه..............
...............وشلون أجل لو صافحتني يمينه

حاولت أنا اكتم عبرتي يوم فرقاه...........
..................وألملم جروح الزمان الطعينه

واعطيه من قلب المعنّى معاناه..............
...............وآخذ من جروحه ولو هي دفينه

وأضيع به في زحمة الناس وأنساه.........
..........وأنسى معه ذكرى السنين وحنينه

لقيت نفسي كل ما حل طرياه...............
..................عروق قلبي كلها تقول وينه

يامر على قلبي ولا شك ينهاه...............
.................كلي أنا تحت الإشارة رهينة

ما كل من يضحك سعيد بدنياه...............
..............وما كل من يبكي دموعه حزينه

أحدن بكى .. والكل يدري عن بكاه........
................وحدن مع الضحكه تحس بونينه

ياشين فرقى الحب وياشين بلواه..........
...............والمشكلة دنيا بلا حب .. شينه

والزين ما يكمل ولو كان ماحلاه ...........
........................إلا حبيبي ماتغيّر بزينه

ماجيت أسولف عن حلاه ومزاياه............
...........يكفي أحاسيسي وقلبي عارفينه

الشعر يعجز وصفها في قفاياه.............
...............لكنها بعيني تساوي كل زينه

كن الفضا في غيبته ضاق مسعاه..........
................وكني غريقٍ ينتظر له سفينه

شف دنيتي ياصاحبي عقب فرقاه..........
..............مثل الظلام اللي حصل بالمدينة

باكتبه أنا في صفحة الشعر واقراه .....
.............وباذبحه بزود الغلا دون سكينة

وبارسمَه في لوحة الشعر وانعاه.........
................وبادفنَه بين الضلوع الحنينه

بوسط الحشا في داخل الصدر مثواه.....
..................إما يسار القلب وإلا يمينه

(( صحيح إن الحي يعطيك الحياة.......
.............مير البلا حيٍ وزادك غبينه ))
~~~~#d#~~~~

كلمات جميله.. سلمت الايادي الحلوه..
كل آلشكر و الامتنان لـ جميل طرحك ..
لآ حرمنـآ منك ..آبداً ..ولآ من ابدآعك ..
دمتِ بـكل خير وسعـآدهـ ..
تقبل مروري ...

ياهلا والله بأختي الغااليه سمراء
شكراً لك على تعطير موضوعي بمرورك العطر
وردك الكريم والله يعطيك أأألف عااافيه
ولا يحرمني من هطله العطره

قصيدة في غاية الجمال

عميش

الف الف شكر لك على ذائقتك الجميلة

ومرحبا بك معنا

خالص واطيب الامنيات مني

المراسل

الجميل هو مرورك يأخي الغاالي المراسل
وشكراً لك يالغاالي على ترحيبك وعلى مرورك العطر
وردك الكريم والله يعطيك أأألف عاااافيه

عميش علي الحياني
قصيده في قمه الروعه
تحمل من المعاني كثير
اسعدني المكوث بين أسطرك
سلمت أناملك
دمت بأحسن حال
تــــــــــــــــقبل مــــــــــررري/أمـيرهـ

شكراً لك يأختي الغااليه أميره
على روعه مرورك وجمال وجودك بموضوعي
والله يعطيك أأألف عاااافيه

عميش كلمات جميله فلك خالص الود
والاحترام على هذي الابيات
تقبل مروري .
متلثمه بشماغ اخوها .

الجميل هو وجودك في موضوعي
فشكر لك يأختي الغااليه
متلثمه بشماغ أخوها
على روعه مرورك

والله يعطيك أأألف عاااافيه