شاهي .. وسواليف .!

وحشتوني وحشتوني وحشتوا عيوني
وفكرتوني باللي كان
ورجعتوا يا حبايبي لايام فات عليها زمان
رجعتلكم هنا بينكم .. اغنيلكم
وحشتوني وحشتوني
وحشتني ليالي زمان.،



'،


كان ودي اجيب الاغنيه ونطررب عليها شوي
لكن ماش جمهور هالوقت لذلك
نأخر موعد الطرب والجو لحين اكتمال نصاب الشله

المووهم


مثل م علمتكم وبحت لكم بمكنون قلبي ع لسان ورده
كثير وحشتوني ( قلب لاعن خيّره الحنين )

جايه الليله اسولف معاكم وندردش ع ريحة الشاهي المنعنش


بعد المغرب تحلا الجلسه مع فنجال شاهي ورفقه حلوه
ومافي احلا من البراد الحجازي والهرجه الحجازيه

قالو في الشاهي

فنجان شاهي عليك اشكي
غزال بالود كاوينى
لا غاب عني قعدت ابكي
فنجان من هو يسليني

وقالو اهل الكيف

الفن فنين وهي فنون
وكل فنين مصطفة
الشاذلية مع الغليون
والكاس يحلا مع اللفة


القصد من اللفه السيقاره كانو زمان يلفو الدخان
(بورق شامي) كذا تسميته

المهم انا من انصار الشاهي بس بدون اللفه هههه

مايروّق مزاجي مثله
ولا اتكيّف الا في براد معين وفنجال معين
لدرجه ان هالبراد اخذه معاي اذا رحت لزياره بس عاد لناس امون عليهم
اما غير كذا اشرب البراد قبل اروح لازم اخذ مزاجي ولا بتصير علوم



(فنجال الشاهي ) يشاركني كل لحظاتي اذا تنكدت شربت شاهي
اذا كنت مبسوطه شربت شاهي .. اذا احد قال تعالي ابيك بهرجه
ضبطت (البراد) اذا م حولي احد جبت الشاهي وسمعت طلال ونسينا الدنيا
م اقول غير الله يديم الشاهي م دامت الدنيا
.'


واخيراً

لئن كان غيري بالمدامة مولعا فقد ولعت نفسي بشاي معطر.
إذا صب في كاس الزجاج حسبته مذاب عقيق صب في كاس جوهر.
به احتسي شهدا وارواحا وسكر وانشق منه عبق مسك وعنبر.
يغيب شعور المرء في كؤوس الطلا ويصحو بكاس الشاي عقل المفكر،