وصفتي في الكوكيز

مساءكم كوكيز و قطعة سكر🍪

ادري ادري انه موضوعي عبيط
وانه مفروض يكون عنوانه مقلوبة خضار
لكن هذا الي طلع معي😂

جايتنكم بـ وصفتي في الكوكيز
الي بـ يساعدني فيها بيتي كروكر جزاه الله خير

# ليس أعلان
وصفهههه

المهم
هذي أفضل وصفة كوكيز عندي وأسرعها
و دايماً اعتمدها في المناسبات السريعه
و أيام الدوام بعد

نحتاج فيها

بيضه
و زبدة ١٠٠ غم تقريبا أو ١١٠


كثير بنات يقولوا الوصفه ما تضبط
و الكوكيز قاسي و يحترق

المشكلة في الزبدة
فيه طريقتين لإستعمال الزبدة
و نوعين من الزبدة

الطريقه الأولى نذوب الزبدة في النار او المايكرويف حتى يصبح لونها بني

شرط انها تكون زبدة حلويات غير مملحه


الطريقه الثانية نخفق الزبدة على درجة حرارة الغرفه حتى يصبح قوامها كريمي

الطريقه الثانية تستعمليها لما يكون عندك زبدة مملحة
و ممتازة مع زبدة الحلويات أيضاً



.
.

الكوكيز رطب و يذوب في الفم
يعني انت خفقتي البيض و الزبدة بشكل مثالي



دايماً احب اضيف للخليط

ملعقتين سكر بني
ملعقه قرفه
و رشة فانيليا

و بعض الأحيان اضيف لها جوز مكسر



طبعاً مكونات اختيارية بس تعطيك طعم أحلى


.
.

خلي العجينة ترتاح في الفريزر أو البراد لمدة

انا تركتها ليله كاملة

.
.

لا تخبزيها أكثر من ١٥ دقيقه
أبداً
اقل شيء ٧ دقايق و أكثر شيء ١٥ دقيقه
الأنسب ١٠ دقائق فقط


اتركيها تبرد تمام و بعدين على طول احفظيها
في علبه مغلقه





و بس بالعافيه

الصور قيد التحميل

استخدمت
بيضه
١٠٠ غرام زبدة على درجة حرارة الغرفه
ملعقتين سكر بني
ملعقه قرفه
رشة فانيليا
و جوز





خفقت البيض و الزبدة حتى حصلت على قوام كريمي
واضفت له المكونات الجافه

خبزت الكوكيز على حرارة متوسطة عشر دقايق فقط

لا أحد يسألني ليش كذا الكوكيز كبيرة
لأني كسولة و ما فيني اقسم لكور صغار
ولأني احب أكلها بملعقه مع ايسكريم فانيليا

طريه و هشه وواضح من الصورة إبداعي

وبس والله❤️
لازم تجربوها و بالعافيه عليكم
و اعذروني على التصوير الرديء

في لقاء آخر مع وصفة المقلوبة 😉


شييييف ميساء

اهلا بالشيف ميساء
ماشاءالله تبارك الله
عجبني الطرح من بدايه
الا النهايه قليلا هههع
واضح الاتكيت وجمال الطرح
والطريقه ان شاء الله نجربها
ان مو من محبي الكوكيز صراحه
ولاعمري صلحته
عشان كذا بتبع طريقتك دام تقولين هشه
ليتك كورتيها صغار مثل حق المحلات ههه
تطلع احلى
لكن حلوه دامها منك 😋😊


،،
يعطيك العافيه
وسلمت الأيادي الطاهية 🌺
،،،

المشاركة الأصلية كتبت بواسطة السفيره

اهلا بالشيف ميساء
ماشاءالله تبارك الله
عجبني الطرح من بدايه
الا النهايه قليلا هههع
واضح الاتكيت وجمال الطرح
والطريقه ان شاء الله نجربها
ان مو من محبي الكوكيز صراحه
ولاعمري صلحته
عشان كذا بتبع طريقتك دام تقولين هشه
ليتك كورتيها صغار مثل حق المحلات ههه
تطلع احلى
لكن حلوه دامها منك 😋😊


،،
يعطيك العافيه
وسلمت الأيادي الطاهية 🌺
،،،

هلا حلااي
اصلاً ما ينفع كوكيز يصلح كوكيز ❤️
حبيبتي القطعه الكبيرة ثلث الكميه
وباقي العجينة دخلتها في البراد لحلا الصغار بكرة

تسلملي الطلة الحلوه ❤️

وصفة شهية
انا والكوكيز اصدقاء وتقريبا كل انواع الحلا يمييييي
ومع القهوة السعودية بالهيل والزعفران آخر كلام

وانتِ ميساء حفزتي الشهية واستفزيتيها
نطلب الحين ،، ومالوو ✋🏻🫢

اخراج جميل ومرتب والصور على الكيف
تسلم يدينك وبالعافية عليكم ..

تقييم ونجوم وختم والاضافة لاحقآ..

هلا والله شيف ميساء

حبوبة الوصفة ينقصها دلة القهوة

الحين برقد وراي دوم الصبح

وعلى الفطر ان شاء الله بجرب من عندك مع القهوة

عيزانة اسويها ، قلت اخذ اللي عندج

ٱ‏نـِْ♡̨̐ـِْا ناويه انزل وزني بس آْنَـỳǑŲـْتي مع هذي الطريقه والصوره
بتخليني افتح هنقرستيشن واطلب المكونات
خههههههههههههههههههههههههههههه

روعه تسلم اناملك ويديك

روعة شكلها ماشاء والله
وخليط بيتي كروكر غنى عن التعريف
يعطيك العافيه ع الشرح المفصل ميساء ودمتِ بخير

المشاركة الأصلية كتبت بواسطة ندى الجنوب

وصفة شهية
انا والكوكيز اصدقاء وتقريبا كل انواع الحلا يمييييي
ومع القهوة السعودية بالهيل والزعفران آخر كلام

وانتِ ميساء حفزتي الشهية واستفزيتيها
نطلب الحين ،، ومالوو ✋🏻🫢

اخراج جميل ومرتب والصور على الكيف
تسلم يدينك وبالعافية عليكم ..

تقييم ونجوم وختم والاضافة لاحقآ..

يا قلباه
هههه وانا والحلويات عشاق ما نتفارق ابد
بالعافيه حبيبتي ❤️

المشاركة الأصلية كتبت بواسطة عروبة وطن

هلا والله شيف ميساء

حبوبة الوصفة ينقصها دلة القهوة

الحين برقد وراي دوم الصبح

وعلى الفطر ان شاء الله بجرب من عندك مع القهوة

عيزانة اسويها ، قلت اخذ اللي عندج

هلا فيك
خلاص انتظرك حزة الريوق عند بابكم
استلمي القهوة و السويت ❤️

المشاركة الأصلية كتبت بواسطة روند

ٱ‏نـِْ♡̨̐ـِْا ناويه انزل وزني بس آْنَـỳǑŲـْتي مع هذي الطريقه والصوره
بتخليني افتح هنقرستيشن واطلب المكونات
خههههههههههههههههههههههههههههه

روعه تسلم اناملك ويديك

ههههه
استثناء حبيبتي استثناء الكوكيز
ما يشمل حدود الدايت

انا استغرب من الي يسوي دايت ويقطع السويت
ما أقدر اموت انا
انا اقطع كل الاكل الا السويت

يسلمووو رورو على هذا المرور ❤️
بالعافيه يا قلبي

المشاركة الأصلية كتبت بواسطة ام هتان

روعة شكلها ماشاء والله
وخليط بيتي كروكر غنى عن التعريف
يعطيك العافيه ع الشرح المفصل ميساء ودمتِ بخير

مرورك الأروع يالغاليه 🥺❤️
صباحك حلا

ماشاالله تبارك الله طلع عندنا مميزين في صنع الحلاهههههه
صراحه عمل جبار عمل يشير لاداعي التعب وتفريق الزحام للوصول المحل الحلويات والسؤال هل يوجد
قطعه اوقطعتين من الكوكيزالذيذه عندك الشيف ميساء الحياة خبيره في صنع وتقديم هذا النوع من الحلاالذيذ
يسعدك ربي ويوفقك وتسلم الايادي تحياتي وتقديري السموك الكريم