قولوا لبو متعب....

قراءة هذه القصيدة في أحدى المنتديات فاعجبتني وحبيت انقلها لكم وياليت احدى الشعراء يكتب قصيدة يجاري هذه القصيدة:

قولوا لبو متعب ترى الشعب مقهور =ياخـادم البيتيـن امسـك عصـــــــــاهـا
ضاعت فلوس الناس مع كـل هامـور=ومثلك يعرف البير ويعـرف غطـــاهـا
من سي لاسوأ وبين عاثـر ومعثـور=وسهمك وهو سهمك رموه بخـــلاهـا!
كيف اشكي العله علـى كـل دكتـور=والطب عندك وانـت تعـرف دواهـــــــــا
ماخافـو الله خالـق النـار والنـور=حتـى الأرامـل شاركوهـا بعشــــــــــاهـا
ياقلبي اللـي فيـه نيـران وحـرور=ضاقت علي دنيـاي وسكـر فضــــــــــاهـا
سوقك بلون الـدم باسبـاب مغـرور=يضغط علـى سابـك وكســــــــــر يداهـا
في عشر اواخر نرجي الذنب مغفـور=قامـوا علينـا قومـة ٍ مـــــــــا وراهــا
واعمار صارت دمهـا اليـوم منثـور=وخاب الرجاء باعمار واللـي رجاهـا
ياما بنينـا فوقهـا ابـراج وقصـور=وراحت سدى والسوق دحـدر معاهـا
كم شاب قال ابغى اتزوج من الحـور=وافلس وبيره جف مـا شـاف ماهـا
وكم راعي أسره أصبح الصبح مفقـور=العيـد بكـره واســـــرتـه مـا كساهـا
وقمت اتفكر وادرس الـراي والشـور=قلت ازبـن لصقرالعروبـه .. ذارهـا
بكلمه تجي من عنده اليـوم مسـرور=والسوق يرجع عشب يـروي ظماهـا
يادرعنا لا صـار بالكـون عاصـور=كم صرخة ٍ للنـاس تسمـع صداهـا
يالحر يابن الحر والحر مخبور=قاد الحـرار الشامخـــــــــــــه فـي سماهـا
ما يلحقك يا سيـدي شـك وقصـور=لكـن رسالـه ياصـلــــــــــك محتـواهـا
انـك ابونـا والرجـا فيـك موفـور=عدلك شمـل كـل الديـار وغشـــــــاهـا
جوني يعزوني على السـوق ماجـور=قلت البقـا بالشيـخ يطفــــــــي لظاهـا
ويرد لون السوق عشبـي ويخضـور=مثـل علـم دار السعـود وصفــــــاهـا
خيرك عميم وشاكر النـاس مشكـور=ومزن الحيـا عـم البـلاد وسقاهـــا
انت الرجا بعد الولـي تدفـع الجـور=اسلم عساك تدوم وتحمـي حماهـا

قصيدة جميلة ورائعة

اخي ابو مشاري الف الف شكر على الاختيار والطرح المميز

وبانتظار جديدك


تحياتي وتقديري

قولوا لبو متعب ترى الشعب مقهـورياخـادم البيتيـن امسـك عصاهـا

ضاعت فلوس الناس مع كل هامـورومثلك يعرف البير ويعـرف غطاهـا

شكراًلك ابومشاري

الله يكون بعون أبو متعب !!
أعجبتني القصيدة .. فأحببت ان يكون لي هُنا مكان ..
تحياتي وتقديري لشخصك الكريم أخي أبو مشاري

ابومشاري

مميز اخوي وبالتوفيق بإذن الله

تقبل احترامي لشخصك الكريم

قصيدة رائعة وتعبر عن معاناة حقيقية
يعاني منها الغالبية من تسلط وغبن وجشع واخذ اموال البشر بطرق متلوية
امد الله في عمر ابو متعب وحفظه واعانة ورزقه البطانة الصالة

شكرا ابو مشاري على هذه الابيات الهادفة والجميلة جدا