أقْـــلآم حُـــرّة هنا القلم الحر | جميع ابداعات | الاعضاء| الشخصية| |
|
أدوات الموضوع | انواع عرض الموضوع |
#1
|
||||||||||
|
||||||||||
الرجال مخابر ..!
.'
مساء / صباح الورد . . احن للماضي لدرجه حنيني لزمن ماعشته ..! لاني سمعت عن الحياه الحلوه اللي كانت وتمنيت اعيشها ع الرغم من مشقتها وزهدها ..! لان في ذاك الوقت الناس نظيفه قلوبهم يمشون دايم ع وضح النقا .. كان ابوي الله يرحمه .. اسمع منه هالعباره الرجال مخابر ماهم مناظر ..! ولا يقول كلمة والنعم لـ اي من كان... اذا سمعتها منه اعرف انه قالها لشخص كفو ويستحقها ..! اول الرجال تثمن الرجال بـ افعالها وطيب اصلها لشجاعته لكرمه لعزة نفسه لفزعته لكل من ينصاه والبنت في ذاك الوقت كانت تعشق الرجال لصيته وتتمنى ترتبط فيه وهي ماشافته لكن الان كل شي تغير .. عند الاغلبيه ولا اعمم الحين يهمهم كم رصيده بالبنك وش نوع سيارته .. حتى الحين المشيخه صارت لاصحاب الدراهم عندك كم مليون ( حي الله الشيخ ) ما يهم اصل ولاغيره مهما كانت علومه ..!! وع قول الشاعر ناس على نسل اجدادها تشيخ وناس بفلوسها اليوم .. شاخت ! وقال بديوي الوقداني العتيبي المال يحي رجال لا حياة ابهـا كالسيل يحي الهشيم الدمدم البالي والدمدم هو يابس العشب والشجر، واللفظ فصيح. .' المضحك بالموضوع بعض البنات خفيفات العقل تنظر للشاب من هذا المنظور .. اللي هو وسامته وسيارته وضعه المادي ..!! وتقصد فيه بعد ^_^ هذاك المار قدامي وله نظرات قتــــــــــــالة له سكسوكتن حلوة بأقصى الوجه مرتسمـة وتقول الخبله الثانيه أحب زوله واحب طوله واموت برزة عقالـه واحب ولاّعته وعطره وبوكه وكل حاجاتـه واحب سيارته واسمه ورسمه ورقم جوالـه اول يقصدون في مراجله وافعاله والحين في الشكل بس ..!! وعجبي ..!! . . استراحة قلم ولاودي من الدنيا سوى قرم(ن)ولد قرمين أبي ماينظر لغيري وانا ماألد في غيره أبي يجلس على المركى وحوله عزوة(ن) ذربين احجاجه يضحك لضيفه قبل تلفي مساييره أبي لاقال منطوقه جميع الربع قالوا زين ولامنه حزم رايه يعينونه على الخيره شجاع(ن) يقطع الفرجه وفيه من الكرم والدين حكيم ويوخذ برايه أصيل ويكرم الجيره وأبيهم لاأنشدوا عني يقولون :اجمعت نعمين أبوها وجهة العاني ..ومهرة وافي السيره وأبد والله مانام الكبر في خدرة اللحظين ولكني فهيمه واحسب العمر ومخاسيره عطوني مثل ابن هندي وابن هادي وابن حثلين ولوموني ليا صديت عن متعلي السيره وكان الوقت شح بنقوة الفرسان والساطين عطوني من يقدرني وانا بعطيه تقديره الابيات مختاره .' ولكم الجوري سلفاً |
11-20-2017 | #2 |
|
هههههههه صراحه سرحت مع القصايد وانسجمت ونسيت اصل الموضوع
طرح يفتح افاق من التفكير في حالنا بالامس واليوم شتان وياله من شتان الناس اختلفت والاحوال تغيرت وللاسف بدل ماهو للصالح صارت للعكس صراحه خفت عقول ناس واجد وراحت علوم الطيب والمراجل والثوابت والقيم والمبادئ الحسنه الي كانو متربين عليها اهل اول حتى اصلا وصل بالبعض بنقد بعض عادات الماضي وتعاملهم لكن اقول هذي احوال الدنيا كل جيل مابيكون زي سابقه والله يستر من القادم طرح طرحتيه يامهاوي جميل ومثير وشيق جدا ويستحق الاعجاب والنقاش ونعم يامهاوي |
التعديل الأخير تم بواسطة تميم ; 11-20-2017 الساعة 05:50 PM
|
11-20-2017 | #3 |
|
رد: الرجال مخابر ..!
الرجال مخابر ماهي مظاهر ..
ربما إختلط هذا المفهوم عند الكثيرين والكثيرات في هذا الزمان حتى اصبح يحكم على الرجل من لبسه ومظهر وهندامه. والحقيقه أن الرجل بعلومه الغانمه وشهامته ومرؤته مواقفه وعند المواقف تسقط الأقنعة وليس بلبسه وهندامه ورزة عقاله وسيارته ماله. يقول الشاعر سليمان المانع كان الرجولة بالمظاهر والاشكال عزالله اني ماعرفت الرجوله وكان الرجوله بالمواقف والافعال عز الله اني مرتوي يالخجوله ياجارحة احساس شاعر ورحال غريب تايه من زمان الطفوله ماكل من يكشخ من الناس رجال الشخص جوهر وأفهمي ما اقوله سطحية النظره ومعبودة المال مايعجبك شكل الغريب ونحوله شكلي غلط لكن على الكود حمال ودرب الفخر نفسي عليه معلوله والشاطر اللي يفتهم رمز الامثال كم داس وقتك من سلايل جموله لاني بمغرورٍ ولاني بحيال لي روح عن باقي الخبول معزوله باني لي اهدافٍ عظيمات وآمال والغيم من شافه ترجى هطوله ولايندمج درب الدناسه والافعال والاصل يعرف من يتم بأصوله فعلاً الماضي جميل بطيب اهله وعلومهم الغانمه وسماحة نفوسهم وطيبها وصدقهم مع انفسهم قبل صدقهم مع من يتعاملون معه نفوسهم طيبه وكلمتهم وحده يعيشون على وضح النقا والمرجله. طرحكِ قيم اختي مهاوي سلم الفكر ودام هذا التواجد الأنيق ودمتِ بكل خير .. |
نحن لا نملك عصى سحريه لنصلح الماضي.. ونرسم المستقبل كما نريد .. ولكن نسطيع بإيماننا القوي بالله الرضى بما كتب . |
11-20-2017 | #4 | |
|
رد: الرجال مخابر ..!
اقتباس:
للاسف ي تميم حين واكبنا التطور والانفتاح انسلخنا من هويتنا ..! اتى جيل لم يرسخو بهم عادات وسلوكيات عُرفنا وتميزنا بها كـ عرب وقبائل ..! عذرنا بأن الزمان قد تغير وان وقتهم يختلف عن من سبقهم ..!! وهذا ما آل اليه حالهم المبكي ..! الانيق / تميم حضورك ومداخلتك شرف طوق جبين حرفي ثم اهلاً مد السحاب ( والنعم بحالك ولا عليك زود ) تحاياي .! |
|
|
11-20-2017 | #5 |
|
رد: الرجال مخابر ..!
الجميل / الحريصي
اهلاً بحضورك المختلف ..! اضافه اثرت الطرح واسعدت الروح ..! شكراً عميقه وامتنان يفيض لاعدم ..! |
|
11-23-2017 | #6 |
|
رد: الرجال مخابر ..!
اختي مهاوي من الإقلام المميزه بطرحها وتميزها ، شكراً لتميزك وتألقك
موضوع راااائع بمعنى الكلمة ويسلط الضوء على جانب مهم في حياتنا وهو ماضينا الجميل الحنين : يأخذك وياتي بك ويرجعك إلى ماكنت عليه سابقاً من الجميل ان يكون لنا ماضي بسلبياته و اجاابياته السلبي نعمل على تفادية ومحاولة عدم الوقوع فيه مرة اخري و تثقيف ابنائنا فالمستقبل لتدارك مثل هذه الامور ولكن من المهم النظرة الإيجابية والتطلع إلى الغد من منظور «نصف الكأس الممتلئة» عموماً طرحك رائع ويعود بالذاكرة لـماضي جميل وقديم جداً اغلبنا يتمنى العودة لعيش هذا الماضي النقي والجميل والبسيط جداً حبيت اشارككم ابيات كانت في مذكرتي محتفظ بها من زمان وما ادري مين شاعرها بس اني احتفظت فيها لاعجابي الشديد بها وينكم يا اهل البداوه وينكم / ما تشوفون الصدور الضيقة ،، ضاقت الدنيا بليا ليلكم / والسوالف كل ابوها الشيقه ،، والمراجل والدلال وهيلكم / والحبق والشيح وسط بريقه ،، والقوافي والمعاني بينكم / والفلس من عندنا بدقيقه ،، غيركم ما ضنتي به غيركم / يعطي المظلوم كل حقيقه ،، |
|
11-27-2017 | #7 |
|
رد: الرجال مخابر ..!
.'
فزاع .. الروعه لا تكتمل الا بحضور الرائعين كـ انت حضور ازهر جمالاً ورقي فـ شكراً تتكاثر ..! تحاياي |
|
12-01-2017 | #8 |
|
رد: الرجال مخابر ..!
الرجال مواقف وعند كثير من المواقف تسقط الأقنعة ..
ارتقيتي بجمال حرفك وطرحك شكرا لك وبارك الله فيك ودام لنا قلمك الراقي |
|
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
اقتباسات كتاب: الرجال من المريخ النساء من الزهرة | تميم | - مسـاحةُ بِلا حُدود" | 2 | 03-08-2024 09:32 PM |
فخامة الرخام الاسود في الديكور | عروبة وطن | "•||قصورهم ستايل ~. | 4 | 01-17-2022 09:52 PM |
هل يبكي الرجال ؟ | ندى | - مسـاحةُ بِلا حُدود" | 5 | 03-14-2021 07:49 PM |
لا تشد الرحال | هايدى السويدى | - القسـم الاسلامـي | 5 | 03-10-2013 09:12 PM |
عشرون دليلاً على حرمة اختلاط الرجال بالنساء | مفرح التليدي | - القسـم الاسلامـي | 3 | 10-17-2012 02:21 AM |