الشعب السعودي بكا فقد سلطان

بسم الله الرحمن الرحيم
مرثيه للشاعر/علي بن فرحان بن حامد التليدي
في وفاة فقيد الوطن والأمة الأسلامية صاحب السمو الملكي الأمير/سلطان بن عبدالعزيز آل سعود ولي العهد الأمين
ونائب رئيس مجلس الوزراء وزير الدفاع والطيران والمفتش العام يرحمه الله والذي وفاة المنية الاسبوع الماضي

الشعب السعودي بكا فقد سلطان=خسارة الشعب السعودي كبيره
أبكيك ياسلطان والدمع شنان=أبكي الوزير اللي يقيل العثيره
أبكيك ياسلطان ياركن الأركان=كسيرة يا كبرها من كسيرة
أبكي حبيب الشعب شيبه وشبان=أرثيه كيف أرثيه بالقلب حيره
أرثي الأب الوالد أبو الخيرسلطان=رحلت ياراعي الكرم والبصيره
رحلت والشعب السعودي بالأحزان=في ذمة الله مايخيب جويره
في ذمة المولى وهو عالي الشان=في ذمة اللي عالم بالسريره
بكا الجنوب من الوديعة لجازان=وصوت الشمال بحزن يسمع زفيره
وشرق الوطن مع مغربه بالحزن بان=وياهولت الوسطى مقر المسيره
لقد حزنا حزننا أشكال وألوان=والجيش أول من تباكاء وزيره
ودموعنا تروي ثرا كل ميدان=نسكب على الغالي دموعا غزيره
سلطان مثل الغيث في قحط لزمان=هداج ماتقطع مصادر غديره
يا أمير كيف أرثيك في نظم قيفان=لكن أمر الله لنا فيه خيره
صبرا جميلا يا أبا متعب الآن=اجرك عظيم وكلنا له مصيره
وبصمات أبو خالد على الارض برهان=يشهد بها التاريخ في كل ديره
وشال الوطن من كل منصب وميدان=لأنه رجل وزنه بحجم الجزيره
نرثيه من فقده مصيبه وخسران=ونذكر سجاياه الحميده كثيره
المملكة تبكي حضرها وبدوان=الجو مظلم وأرضها مستخيره
ترك لنا الدنيا فناها والأحزان=ورحل إلى رب السماوات جيره
عساه في صحبة ولد سيد عدنان=في جنة الفردوس ياخير سيره
في رحمة المولى رؤوفا ورحمن=ياحسن حظ اللي وربه مجيره
يارب يارحمن تلطف بسلطان=سلطان ودع صحبته والعشيره
وختامها صلوا عدد فرض الأركان =على المشفع في نهار الحشيره

ابو ياسر التليدي

قصيدة قمة بالأبداع..

صح لسان الشاعر ورحم الله الفقيد
بصراحة قصيدة رائعه تحاكي واقعنا
الحالي بكل صدق جعل الشاعر مايهون
وعسى الله يرحم الفقيد مشكورابوفواز
على النقل الرائع لاهنت

رحم الله سلطان الخير وجزاه عن الإسلام والمسلمين خير الجزاء
وصح لسانك يابوياسر قصيدة رائعة وجزله ...

بارك الله فيك.

الله يغفر له ويرحمه ويسكنه فسيح جناته ويديم علينا الأمن والامان في ضل حكومتنا الرشيدة وعلى راسهم خادم الحرميين الشريفين الله يعافيه ويقومه بالسلامه

قصيده في قمه الروعه
ربي يعطيك العافية
على الطـرح المميــز

صح لسان الشاعر ابوياسر
قصيده راااائعه بحق
كل الشكر والتقدير لك أخ ابوفواز

رحم الله الفقيد واسكنه فسيح جناته
كما اشكر الجميع على هذا المرور وهذا التفاعل