جاني ولدها يبتسم بين الاطفال...

هذه القصيدة اعجبتني وحبيت انكم تتطلعون عليها .. واعذروني على نقل مثل هذه القصائد .. لكن بعض الشعر حكمة

سالفة القصيده
بروايات مختلفة فاخترت الاقرب للصواب

-------------

القصيدة قصتها انه في يوم من الايام كان الشاعر يتمنى زواج واحدة في دياره في الشمال وماقسم الله بينهم نصيب وتزوجت البنت من واحد ثاني وسافرت وكان الشاعر يتمنى ان يتزوجها وبعد ثمان سنين ، كان الشاعر يعمل مدرس وجاه نقل اجباري لمنطقه بعيدة الظاهر في الجنوب ويوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ويوم ابتسم الطفل ناداه المدرس وقال له : من انت ولده ؟ قال : انا ولد فلان قال له : انت امك فلانه ؟ قال الطفل : ايه قام المدرس سكت وكتب القصيدة ومن بكرا عطاها الطفل وقال له عطها امك
القصيدة
غابت ثمان سنين حل ٍ وترحال .. غابت ثمان ٍ كلها مدلهمه

قضيتها بالحب والشوق رحال .. شوق ٍ تحدى كل باسه وهمه

دورتها سنين وشهور وليال .. ولا فيه فج الا توجهت يمه

وعقب الثمان اللي تعبها برى الحال .. جاب الزمان الكارثه والمطمه

جاني ولدها يبتسمـ بين الاطفال .. ومن بسمته عرفت انا بسمة امه

شفته وصاحت داخلي كل الامال .. بصوت عجزت بكتم الانفاس المه

ركضت له دمعي على الخد همال .. ومن كثر شوقي قمت بالحيل اضمه

وساعة حضنته والطفل في يدي مال .. شميت ريحتها على اطراف كمه

واستلهمت نفسي مقاديم الاهوال .. وتم الضياع واكدت لي متمه

ليت الغياب اللي برى غربتي طال .. ولا دور العاشق على حرق دمه

واليوم بنت الناس في بيت رجال .. وحب ٍ على غير الشرف لي مذمه

مجبور اعود واشتكي لكل الاجيال .. نفس ٍ عزيزه كائبه مستهمه

برجع غريب ٍ سكته بر ورمال .. يموت يحيا يندفن مايهمه

قلبه دليله هالمدرس .....!
قصة مؤثرة وهذا حال كثير من بنات زمان
تنحط في الخانة الي يختارها اهلها ضاربين بمشاعرها
عرض الحائط وهكذا تعيش على هامش الحياة وتضيع احلا
سنين عمرها بدون قلب ولا مشاعر ...💔

منقول رائع ينبض بالاحاسيس الجياشة
طبت اخي الهاجس وطاب منقولك

تقديري واحترامي

فعـلاً إختلفت الروآيات عليها
ولكن الأهم جمال القصيدة
وكل شيء مقّدر و مكتــوب
و ما حد ياخذ الا نصيبه
صح لسان شاعرها
و تسلم يمينك الهاجس على النقل المميـز

كل شي قسمه ونصيب ومافات فات
كلمات جميله وراقيه
يسلموو الهاجس ع روعة اختيارك