قالوا الشقا وشهو الشقا

قالوا الشقا وشهو الشقا قلت الشقا .. ظلم السنين
( أحد يمر ويتعبه ) !! ( وأحد يمر ويقهره ) !!

قالوا الحزن وشهو الحزن قلت الحزن .. دمعة وعين
أحد قوي .. ويصطبر .. وأحدٍ تبلل محجره !!

قالوا الوفا .. وشهو الوفا قلت الوفا .. مسالم يدين
واللي يغدر فصاحبه .. عاد الليال بتغدره !!

قالوا الجفا وشهو الجفا قلت الجفا قسوة ولين
يما تغلى صاحبك .. يما ملقيك ظهره !!

قالوا الوصل وشهو الوصل قلت الوصل ماله وزين
يبري جروح ما برت .. والعفو عند المقدره

قالوا الأمل وشهو الأمل قلت الأمل .. في نظرتين
أحدن يحاول يكسبه .. وأحدن يخاف أن يخسره !!

قالوا الرجاء وشهو الرجاء قلت الرجاء .. قلب حزين
يمشي على تراب الأمل ,, ويخاف لا يسفى ثره !!

قالوا الوجيه إشهي الوجيه وقلت هي من جانبين
( وجه يزينه العفاف ) .. ( ووجه زين بمظهره ) !!

قالوا الحكي وشهو الحكي قلت الحكي .. ما بين بين
خير الحكي ما قل دل .. وزبدة القول ( ثمره )

قالوا الخجل وشهو الخجل قلت الخجل بالعام زين
( بس الخجل لا صار دون الحق .. خزي ومحقره )

قالوا الزمن وشهو الزمن قلت الزمن في ساعتين
ساعة طرب نفس وهوى وساعة خشوع وتذكره

قالوا الغلا وشهو الغلا قلت الغلا .. حب دفين
والحب لا قدهو حقيقه ودك إنك تستره !!

قالوا الخطا وشهو الخطا قلت الخطا الله يعين
أحدن ما لاخطاءه عذر وأحدن ليا أخطا تعذره

قالوا المره وشهي المره .. قلت المره ضلع لدين
يبقى على طول آعوج .. من جاء يعدله كسره

قالوا الرجل وشهو الرجل قلت الرجل في حالتين
ابختصرها والذكي لا جاه حكيي فسره

( رجل سليط وكلمته ماهي تغدي لك كلمتين
ورجل مع العالم رجل .. لكن مسيرته مره !! )

الشاعر أحمد البريدي

اصاب الشاعر في ابياته التي تتسم بالفخامة وبلاغة المعنى
صح لسانه وسلم بنانه

وللناقلة السوسن كل الشكر والتقدير لذائقتها المترفة

قالوا الشقا وشهو الشقا قلت الشقا .. ظلم السنين

( أحد يمر ويتعبه ) !! ( وأحد يمر ويقهره ) !!

قالوا الحزن وشهو الحزن قلت الحزن .. دمعة وعين

أحد قوي .. ويصطبر .. وأحدٍ تبلل محجره !!

قالوا الوفا .. وشهو الوفا قلت الوفا .. مسالم يدين

واللي يغدر فصاحبه .. عاد الليال بتغدره !!

والله من اجمل واروع بيوت الشعر بقووووه
سلمتي السوسن هذا الاختيار والانتقاء المميز

كلمات فاقت الجمال والإبداع
أبيات عجبتني يسلمووو السوسن
الله يسعدك ويعطيك العافيه
ودي وتقديري

كلمات جميلة
يعطيك العافيه

سلمتم ولا هنتم على المرور الذي أسعدني
الله يسعدكم ويعطيكم ألف عافيه