مهم جداً

السلام عليكم والرحمة
صباح الخير للي عندهم صباح ومساء الخير للي عندهم مساء
في هالفترة وفي هالأيام انتشرت صور بناتنا في الفيس و في الاسك والنت لوق وووو ومواقع ثانية .والبويات الله يهديهم .
طبعا اكثر الشباب مافكر الا في زاوية وحدة اللي هي ترقيم . ونسى الزاوية الاهم اللي هي
ان هالبنت اختي ومن ديرتي ولا ارضى لها هالمصاخة اللي تسويها !
لو جينا نكلم البنت ونقول لها شيلي الصورة ومن هالكلام . تزعل وتقلب الدنيا فوق تحت
ولو قلنا nice pic فرحت واستحت .. انا اتمنى شي واحد بس .. لو ابوك او امك او اخوك او احد من اقربائك
شافوا حسابك هذا .. وش بيكون موقفك ؟ ..
وانا بسأل كل شاب وكل بنت . لو انكم متزوجين وعندكم بنات .. ترضون يسوون كذا ؟ بعد ماربيتوهم
وبعد ماعطيتوهم الثقة ؟؟ اكيد الاجابة بتكون لا ..
بعض البنات يقولون اهلهم راضين .. طبعا العائلة كلها خربانة الا من رحم ربي !!

وبعدين ياما انتشرت صور على البي بي وعلى النت لبنات اعرفهم من صحباتي حطوا صورهم بالبي بي بدون قصد انو ينشروها بسس شوفوني انا بشاليه او بقاعه او ببارتي بسس استعراض للصوره ولشكلها ولفستانها وتكتب مااحلل اللي ياخذ البيك ياروح اممك في بنات باللسته صح انهم صحباتك بسس عندها اخوان بيشوفوها وفي بنات ماعندهم ضمير ولا امانه وبالنهايه ندموا في الاخيربسس بعد ايشش والله يااختي بتندمي لانك نزلتي من نفسك وكرامتك وخسسرتي ثقه اهلك اللي ربوك واعطوك بي بي ولاب ولا فكروا مجرد تفكير انك بتسسوي كذا

ومن افتاء المشايخ ومن القرآن :-

لا يجوز وضع الفتاة صورتها على النت، لما في ذلك من التعرض للنظر المحرم،
فيدخل في باب التعاون على الإثم والعدوان وهو محرم بنص الكتاب في مثل قوله تعالى:

" وَلَا تَعَاوَنُوا عَلَى الْإِثْمِ وَالْعُدْوَانِ " {المائدة: 2}.

في الاخير اتمنى اي شخص يقرأ هالكلام ينشره وله الاجر <
بقلمي...

صاحبة الإمتياز