عريكتي الجنوبيه

‏

* * * السلام عليكم يسعد صباحاتكم بكل خير طبعا فطوري اليوم حبيت اشاركه معكم وهو احلى واطعم وجبه جنوبيه الجميع يحبها راح اعطيكم المكونات والطريقه. سهله وبسيطه بس يبغالها حرمه سنعه نفسها بالاكل لا يعلى عليه. نحتاج اولا الى دقيق بر. اي نوع انتوا تحبونه وفيه كثير انواع نحتاج ماء دافي وملح ملعقه ك سمن او زيت زيتون نعجن العجينه ونخبزها بصينيه فالفرن تتحمر وتصير مثل الكيكة وفيه طريقه اخرى عندي مقلاه تتقفل دايم اخبز فيها وتقلبينها بنفس المقلاه تسوي ع جهتين يعني موجوده بالسيف غاليري المهم خلصنا خبزتنا والان نجهز اناء نضع فيه تمر معجون فيه ناس يحطون قشطه على حسب الرغبه انا افضل بدون ونضع عليه الخبره وهي ساخنه جدا نقدر نعجنها بطريقتين الطريقه الاولى نستخدم قفاز يمنع الحراره متوفر بالمحلات او تلفين منشفه على يدك وتلبسين فوقها كيس وتبدين تعجنين باليد او باستخدام العجانه الكهربائيه كميه التمر تقريبا 100 جرام (بحجم اصبع زبده) اذا انتي تسوين حافظه صغيره حقة اثنين المهم بعد ما نعجن الخبز بالتمر نرش عليه بشويه سمن ونعجن شوي شوي لين تصير متماسكه نرتبها في حافظه التقديم ملاحضه مهمه:بعض الناس يصبون عليها السمن وانا ما افضل هذي الطريقه لان البر يمتص السمن ويخلص عليكم ويصير طعمها غير مقبول لذالك دائما ضعي اناء صغير معدني او اي شي حجمه صغير في وسط العريكه وصبي فيه السمن والعسل وزينيها بحبات تمر وقدميها مع القهوه وبالعافيه ] * ناخذ حجر او حصى الافضل حصى المرو بس موشرط ونحميها على النار ليييين تصير حاااااميه نحط الزبده على النار لين تذوب تاما نحط في قدر صغير شوييه دقيق بر ملعقتين اكل تقريباً وشوووويه ملح ونحط عليها الحصاه الحاااميه وبسرعه نسكر الغطاء ونبدى نحرك القدر ليييين يتحمص الدقيق بعدين نحط الحصى على الزبده وهي تغلي ونحط معاااها الدقيق ونطفي على السمن لان الحصى بتخلي السمن يغلي ونخلي الحصى في السمن إلى ان تبرد بعد مايبرد بيصفى السمن فوق تصبينه في اناء حديد ويحفظ بالثلاجه افضل وقبل الاستخدام تطلعينه يذوب بساعتين الخلاصه ايضا تفرزنينها وتنوكل بخبز تنور او اي خبز او تحطينها فوق المبثوث والتصابيع تطلع لذيذه * وبالعافيه تروني تعبت بالموضوع بالايباد اسويه * ‏ ‏ ‏

ياروووووحي
الموضوع تحفة .. سلمت يمينك وسلم المطبخ اللي تعبك.. وسلم اللي صورها وسلم اللي أكلها
ترى مانعرفها وزين علمتيني
كثري من حصرياتك ملائكية

ماشاءالله تبارك الله روووعه تسلم يدك
وجعله عوافي عليكم
عاد انا من عشاق العريكه

ينقل لقسم الحصريات
ويضاف الحصري
كل الشكر عزيزتي

المشاركة الأصلية كتبت بواسطة عروبة وطن

ياروووووحي
الموضوع تحفة .. سلمت يمينك وسلم المطبخ اللي تعبك.. وسلم اللي صورها وسلم اللي أكلها
ترى مانعرفها وزين علمتيني
كثري من حصرياتك ملائكية

عروبه قسم الحصري فيه كثير حصريات العريكه الجنوبيه
ولها عدة طرق

انثى ملائكيه
تسلم يدينك
شكله لذيذ
الله يعطيك العافيه
تمت الاضافه

ماشاء الله ابداع وسرد رائع في الوصف..
أهنيك بصراحه اخت اثنى..
ابدعتي بحق..
تقييم واعجاب لهذه المشرعه..

ماشاء الله تبارك الله
اجدتي الشرح بالخطوات انوثة
والنهاية اروع والذ عريكة

تسلم يدك ومداخيل العافيك..

بعد ماشفتها رحت سويتها 😂

تقييم ونجوم مع الختم .

ماشا ءالله
سلمت الاياادي
صمت
تقديم تحفه ومجهود تشكري عليه

يعطيك العافية يارب

ما شاء الله تبارك الله
جعله عوافي

شرح واضح ومبسط تسلم يدينك انثى ملائكيه

مجهود جميل
يعطيك العافيه

نسيم شكلي بسنتر في قسم الحصريات
بس عادي تاكلونها في هالجو؟
احس انها تعطي طاقة وسعرات حرارية عالية

المشاركة الأصلية كتبت بواسطة عروبة وطن

ياروووووحي
الموضوع تحفة .. سلمت يمينك وسلم المطبخ اللي تعبك.. وسلم اللي صورها وسلم اللي أكلها
ترى مانعرفها وزين علمتيني
كثري من حصرياتك ملائكية

نورتي ياقمر الاكله هذي تنوكل في جميع الفصول الاربعه عندنا
لان منطقتنا اساسا بارده
ناكلها صيفا شتاء ربيعا خريفا
صباحا ومساء
وفي جميع مناسبتنا تكون موجوده اكيد


نعم تعطي طاقه وحيويه لانها تحتوي على التمر

المشاركة الأصلية كتبت بواسطة مراسل وادي دفا

ما شاء الله تبارك الله
جعله عوافي

شرح واضح ومبسط تسلم يدينك انثى ملائكيه

نورت مراسل الله يسلمك

المشاركة الأصلية كتبت بواسطة ام هتان

ماشا ءالله
سلمت الاياادي
صمت
تقديم تحفه ومجهود تشكري عليه

يعطيك العافية يارب

نورتي حبيبتي الله يعافيك

المشاركة الأصلية كتبت بواسطة ندى الجنوب

ماشاء الله تبارك الله
اجدتي الشرح بالخطوات انوثة
والنهاية اروع والذ عريكة

تسلم يدك ومداخيل العافيك..

بعد ماشفتها رحت سويتها 😂

تقييم ونجوم مع الختم .

جعلها ترحب ملايين
ويجعل معها العافيه يا قلبي