يااهييييييييييييه

السلام عليكم ورحمه الله وبركاتهـ



قصيده بعنوان : ياهيه ..


للشاعر المبدع : محمد بن فطيس المري ..





ياهيه إلتفت لي وإسمع دعاي لك يا هيه = ترى عادتك تشبع من البعد واتواجه


دعيتك بصوتٍ ياصلك ليه ما توحيه = وأنا أسمع ضلوعك من صدى الصوت لجاجه




عليك الفؤاد إخلاجه مصمخ راعيه = خف الله في راعيه ما تسمع إخلاجه


ترى العفو قد جاك أوله وإغتنم تاليه = وترى الحلم بحرٍ غير لا تامن أمواجه


وترى الود ليلٍ مظلمٍ جيتلك ساريه = سراجه وصالك والجفا ينفخ سراجه


وترى قصرنا اللي كم سنة نجمع ونبنيه = هوى العذل طيح بابه العود وسياجه


لي أيام مدري وين دارك ولا أدري ليه = وأنا خابر إني باب شفك ومزلاجه


غيابٍ بلا سبة هجادٍ بلا تنبيه = وجفا أغلى العرب نارٍ على الكبد وهاجة


نضج قلبي من البعد وش حاجتك تكويه = جفاك الجمر والصبر في بعدك الصاجه


وطبع حبك بقلبي والأيام ما تمحيه = هذا هجرك يحاول يموجه ولا ماجه


خبرتوا حدٍ يبكي على واحدٍ يبكيه!! = وخبرتوا حدٍ مسجون ما يبقي إفراجه!!


أحبه ولا أبغضته على شيٍ يسويه = ولا زالت رقاب الرجا فيه منعاجة


عسى منزلٍ ضمه حقوق الوسم تسقيه = وتضحك له الدنيا وهو يضحك حجاجه


فقد خاطري شي من الضيقة مسليه = وغدت روحي من الناس والليل هجاجة


أروح لمكانٍ خابره .. خابره يأتيه = أسوق القدم صوبه وهي مالها حاجة


مكانٍ نزيه وأول مواجهي له فيه = وأنا خابرٍ ما رجل مثله بدواجة


لعل وعسى ما حدني للمجي يدعيه = وأشوفه وأنا ما ودي أسبب إحراجه


يحب الجريح آخر دروب اللقى ويجيه = وتحب القدم جية مكان أول مواجه

















اخوكم: أبن نااااااعور

صح لسان الشاعر الكبير/محمد بن فطيس المري

قصيدة من اروع القصائد في الساحة الشعبية

ابن ناعور الف شكر على الاختيار الجميل والمييز

وبنتظار جديدك ...وودي وتقديري

قصيدة رائعة
الله يعطيك العافيه
تقبل مروري