حياة الشعب السعودي .....يالبى بس

يسعد صباحكم / مسائكم جميعا بكل خيرات الارض


هذي فكره موجزه عن حياة الشعب الحبيب الشعب السعودي واتمنى ترسم البسمه على شفاهكم


حياة الشعب السعودي

::


-لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان



-سلام الجدات:هلا وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم و شخباركم



وعساكم طيبين وشخباركم وكل ذا في 30 ثانيه هع



-عند كل سوق لازم تلقى مجموعه شباب يبون يدخلون وهم يدرون أنه عوائل ههههه



- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد



- الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم



-حالة طوارئ يوميا الساعه السابعه صباحا



- العيله اللي عندها سواق تودي كل بزر للمدرسة لوحده !



-بعد مباراة النصــــــــــر و الهــــــــــــــــلال طلاب المتوسط هــــــــــــــوآش !



-اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه




-اذا طلع البر صار عربجي وراعي هياط واذا راح البحر صار كول” هذا اسمه التكيف مع البيئه هههه



-رمضان حزة اذان المغرب: اذن؟ لا ما اذن؟ الا كني سمعته! اطلع شف اذن ولا لا؟ اسئلو بالبيري اذن؟ طيب حطو القناة الاولى نشوف



-نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر



- اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز



-الرجل السعودي : يلا انا عند الباب اطلعي وهو باقي له ربع ساعه يوصل البيت << مايتحملون الانتظار



-مواصفات زوجة المستقبل عند اي سعودي .. طويلة وبيضاء وشعرها طويل .. في الاخير يتجوز العكس هههههه



-اي بنت تعطيه وجه صارت تحبه.. والله يالسعوديين فاهمين الحب غلط >من جد



الرجل السعودي مخلوق نفسيه !.. لايتزوج حبيبته ولا يحب زوجته .. من تبي مثلا ؟!



-اذا صرت انسان واصل ودايم تسأل صرت انسان نشبه ! واذا سحبت عليهم قالو وينك ماتنشاف! فبالتالي مافيه حل عشان تتواصلون !



-توصي العالم كلهم يذكرونك بشيء و ينسون هم ومايذكر الا انت .... خخخخخخ



-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم



-جدران حارات السعوديين " a+n = قلب و فيه سهم و الحب عذاب " خخخخخخ



- عندك واسطه ! تدخل جامعه مستشفى حكومي وزارات ! ما عندك شي ؟ اجلس في بيتكم



-السؤال اللي مابطلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟



- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس /الرسيفر/واذا فيه لياقه نطفي التلفزيون بعد



-تلاقي المتسوق عند الكاشير يحتج و يشتم فيهم لأن الأسعار عالية و بالأخير يطلع الفلوس من جيبه و يعطيه للكاشير



-الزوجه لازم تكون ام وطباخه ومربيه وكهربائيه وممكن سباك اما الرجال يدوام و كثر الله خيره



-مستحيل تأخذ ساندوتش للمدرسة عشان ما يقولون عنك مصري >>> هههههههههه



-نتواعد نطلع 6 وتصير الساعه 8 ولسى ماطلعنا



-يحبون ياكلون مفاطيح بس يحرصون على ان الببسي يكون دايت



-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحيانا يرشون الوجه بمويه



-جميع الأمراض والمصائب وتغير المزاج بسبب العين



-الشعب الوحيد اللي ياخذ اي شيء بسعة صدر و فله و تنكيت

اتمنى ان تاخذوها بسعه صدر ههههههههههههههه