قصيدة من اروع ما قرأته موخراً

قصيده... كل بيت فيه قصيده لحالها

يالعبد لو ميزت فـي كـل الاحـوال
عرفـت ويـن المخطيـه والمصيبـه

وعطيـت وافِ الحـق قـدام ينقـال
مخطي وتصبـح بيـن شـكٍ وريبـه

الحق ما يَزعَـل مِنـه غيـر الانـذال
اهل الردى وأهل الوجيه الغضيبـه

دام السريره صافيـه فأنـت رجـال
وليـا دخلهـا غـش والله مصيـبـه

الحر لو ماحـط لـه بشـت وعقـال
يكفيـه بيـن النـاس فعلـه وطيبـه

وراع الردى لو بأجمل اللبس يختـال
تلقى الـردى مابيـن كمـه وجيبـه

ومن لاكسب كلمة نِعم بيـن الاجيـال
يكسب بدلهـا ياهـل العِـرف خيبـه

ومن لا شرب لمواجه الوقت فنجـال
يقضي العمر بيـن الطمـان وشعيبـه

ومن لاتحدى في الزمن بحرالأهوال
اللـول والمرجـان ما هـو نصيـبـه

من لاحسب قبل النسب معدن الخال
لا ينشـد المولـود مـن ويـن عيبـه

ومن لادفع في ما قف الربـع مثقـال
لا ينتظـر تعطيـه ربـعـه زبيـبـه

ومن لاطلب للمشكلـه نـاس عقـال
يجيـه مـن عميـان الأريـا كتيبـه

ومن لاحفظ سَمْعه عن القيل والقـال
تلقـى ورم مخـه نميمـه وغيـبـه

ومن داس عرض الناس لوكان بالمال
من عرضه المصيون دفع الضريبـه

ومن لاحسبها صح في عمر الاقبـال
ماهـو بحاسبهـا ليـا صار شيـبـه

سمعـت ما قالـوه قبلـي بالامـثـال
من لا كسـب كلمـة نِعـم وش تبيبـه

جنب عـن الرديـان وكبـار الأزوال
وتلقى من أهل الخير من تعتزي بـه

هذي نصيحه كان ما أعطيتهـا بـال
إتضيـع بيـن المخطيـه والمصيبـه


الشاعر / شعيان بن شعوان البقمي

قصيده جزله يبو فواز شكرا على النقل

بس صراحه اعجبتني هذي الابيات بقوة


ومن لاحفظ سَمْعه عن القيل والقـال
تلقـى ورم مخـه نميمـه وغيـبـه

ومن داس عرض الناس لوكان بالمال
من عرضه المصيون دفع الضريبـه

ومن لاحسبها صح في عمر الاقبـال
ماهـو بحاسبهـا ليـا صار شيـبـه

سمعـت ما قالـوه قبلـي بالامـثـال
من لا كسـب كلمـة نِعـم وش تبيبـه

تحياتي واشواقي
المراسل

حاولت أقتبس كم من بيت بس للأمانه أبيات أروع من بعضهم
شكراً لكـ عَ هذهـِ الذائقه الشاعريه شكراً لكـ من القلب
خالص تحياتي : أمير الذوق

انتقاء مميز وذائقة تفيض ابداعآ
لك اجمل التحايا استاذي ابوفواز

صح لسان قايلها
كلمات عذبه ونقيه وتستاهل الاخذ بما فيها

الله يعطيك العافيه مديرنا الغالي ابوفواز