حـزن الطواريـق " جـديــد "

الموقف اللي جـر حـزن الطواريـق
لـو مايسلـي خـاطـري مابديـتـه

طعنه ولكن طعنةٍ(ن) فـي المعاليـق
ماهوب جرح(ن) لاسمرنـي كويتـه

من أول اضحك لو على خاطري ضيق
واليوم ضاق الصـدر واهتـز بيتـه

حصاه طاحت من حصى قمة طويـق
مـن بعدهـا رجـم الغـلا مارقيتـه

انام من طول السهر وأرجـع افيـق
واجمع خواطر ليلـي اللـي سريتـه

أبيات فيها مـن قصيـد العشاشيـق
وابلغ منه واصدق من اللـي قريتـه

انفسروها قلـت مـن غيـر تعليـق
وان بينـت لـي بـن عـم ونخيتـه

ملفـاي مقـدام الوجيـه المطاليـق
اللي ليـا مـن دبـر الوقـت جيتـه

ماهوب ملفق حولي الهـرج تلفيـق
فـي لازمـي لارحـت يمـه لقيتـه

من لابت(ن) مثل الجبال الشواهيـق
وعلى الظروف اعزومهـا مستميتـه

ربعي مضاميـن العهـد والمواثيـق
وان طمع جار البيت في جـار بيتـه

حققت شيء وشيء يحتـاج تحقيـق
حلم(ن) بقالـي حـي لـو ماخذيتـه

إن قالهـا الله واليـالـي توافـيـق
لا اقطع ضرم نفسي ولـو مارويتـه

ماهو ضرم فنجال دلـه مـع بريـق
ضـرم وصـال اللـي لعلـه ياليتـه

تسمح له ضروف الزمـان الواحيـق
اللـي تناسينـي وانــا مانسيـتـه

فوق الخطر دون الوصل نشفت الريق
وحبل اللقـاء لـو ماربعتـه ثنيتـه

البعد شلفى ذيـاب سـم الصناديـق
والقرب يرفى جـرح لـو ماهتنيتـه

مخلـوق لكـن دون كـل المخاليـق
حتـى عقالـي دون حزنـه رميتـه

موقف حزيـن وبددتهـا الطواريـق
وانـا وقفـت بموقفـي واحتميـتـه

الشاعر/محمد بن مريبد العازمي

يشهد الله أن مسكنك وسط العيون

قصيده رائعه صح الله لسانك ولسان الشاعر
مشكور أخي الكريم
فتى الربوعه

الف شكر لك اخي الفتى الذهبي
على المرور العطر لك مني اجمل تحية

تسلم يالغالي
قصيده جميله
مشكور على ابداعك
ولك تحياتي

فتى الربوعه
تسلم يمناك على الطرح الجميل
تحياتي لك

صح لسانك ولسان الشاعر
سلمت يمناك يافتى
تقبل ودي وتقديري

ابو سفيان مرورك اسعدني
نورت الموضوع بطلتك الرائعة
لك مني اجمل تحيه

ابو بــــدر مرورك اسعدني
نورت الموضوع بطلتك الرائعة
لك مني اجمل تحيه

مجموعة انسان مرورك اسعدني
نورت الموضوع بطلتك الرائعة
لك مني اجمل تحيه