ماجيت شاعر

ماجيت شاعر جيت كلي مشاعـر=أما الشعر يابنـت كلـن يقولـه

جيتك على قد الأمل والمخاطـر=جيتك بلا تاريخ حلمـي بطولـه

جيتك على كثر الألم بس صابـر=وبيني وبين الموت جوله و جوله

عاشق على كف الأمل جاك طاير=وأعلن على باب المحبه وصولـه

خايف أقول الصدق خايف أكابر=وانا أعرفك ياروح روحي خجوله

أنا وطن للحـب ماجيـت عابـر=وانا المطر اللي تمنـي هطولـه

كتبت لك ثاني وثالـث وعاشـر=أنا الوحيد اللـي توحـد ميولـه

وأنا الوحيد اللي زرعت الدفاتـر=أسمك ورجّعني زمـان الطفولـه

عاشق دخل روحك بليـا تذاكـر=واختارك أول عمر واخر فصوله

(حبيبتي) واقولها لـك وافاخـر=بيتك بقلبي ولاحدن حـام حولـه

دامي كسبتك ، بعدك اليوم خاسر=أنا بدونـك ورد يشكـي ذبولـه

وانا أعترف بالشعر ماني بشاطر=لكـن كـلام القلـب لازم أقولـه

اشكر لك تفاعلك وتميزك من البدايه اخي الغالي أبن ناااااااعوووور ،،
وأتمنى لك مزيداً من التألق والابداع في هذا الصرح الراقي ؛؛

همسه:
بس عن اذنك حبيت انوووه عن شي وهو أن اي عضو يبي ينقل لنا شيء نستفيد منه من منتدى او ايميل ان يراعي خصوصية المنتدى ولايأتي لنا بالروابط هنا يعني لو نضغط ع اي كلمه من موضوعه يطلع لنا المنتدى الي نقل منه وهذا مالانرغبه هنا ؛؛؛

أكرر شكري لك وإلى الامام ودام تألقك يابن ناعوووور؛؛؛

أخوك أبو شموخ

شكرا ياابو شموخ
وشكرا على تميزك فالنقد
يعطيك العافيه
ونورت بمروورك

ربي يعطيك العافيه على طرحك الرائع تحياتي لك

أخي: جريح الصمت

شكرا على مروورك الغالي
ونورت متصفحي


ربي يعطيك العافيه ولاعدمتك

(حبيبتي) واقولها لـك وافاخـر
بيتك بقلبي ولاحدن حـام حولـه


دامي كسبتك ، بعدك اليوم خاسر
أنا بدونـك ورد يشكـي ذبولـه


أخي ابن ناعور

اعجبتني هذي البيتين

لما فيها من بلاغة

شكرا على تميزك

المراسل