من أجمل قصائد رثاء الزوجات (للشاعر محمد بن لعبون) رحمه الله

هذه قصيدة من قصائد رثاء الزوجات قيل أنها للشاعر الكبير محمد بن لعبون رحمه الله


ياونتي منهـا ضلوعـي حطامـا
على عشير(ن) بالهوى مات مغبون

شالوه مـن دار الحيـا للعدامـا
ومن الحصى وتراب قاموا يكبّون

من عقب مالفّوه بقمـاش خامـا
قاموا على بيض النصايب ينصّون

مات الحبيب ولا لحق لـه مرامـا
وبالله ياللي تدفنونه علـى الهـون

حطّوا نفق له عن سواد الظلامـا
ودي ازوره مثل ناس(ن) يزورون

و اعايده نهـار عيـد الصيامـا
وأقابله وأرضي عيون(ن) يحنـون

عسي ليا سلّمـت رد السلامـا
وأهل الهوى والحب لازم يـردون

إحساسهم يصدق بليـا كلامـا
وغرامهم يبقى ولوهـم يموتـون

ابي اتطوى عنـد قبـره عوامـا
وش عاد لو قال الملا صار مجنـون

شبيه خلي فوق كـف النشامـا
حر(ن) من اللي بالمقانيص يهدون

جنسه قليل وغير خلـي حرامـا
لا علهم عقب الحبيـب يولـون

من أول أكتّـم حزيـن الهيامـا
واليوم باح السد ياللي تعذلـون

ويلاه كيف الدود يمحى العظامـا
ياكل جسد مضنون عيني وترضون

ارموا بجسمي مع وفـي الغرامـا
هذا العزا ياللـي بموتـه تعـزون

يا راحل لدار الرضـى والكرامـا
قل له عشاشيقك من البعد يبكون

قل له عيون صويحبـك ماتناما
يسهر وخلق الله بقربـه ينامـون

قصيدة رائعة
جزلة المعنى موزونة الابيات
كم يعجبني اختيارك اخي ابا مسلم
لك ودي وتقديري

قصيده جميله جداً
دمت بصححه

قصيده جميله جداً
دمت بصححه

رااااااااااااائعه جدا

مشكور الله يعطيك العافيه

أخواني شرفني مروركم

وأسعدني مشاركاتكم

وفقكم الله وأسعدكم بطاعته