هههههههههههههههه معنات اسرة (دلخ)خخخخخخخخخ/قلم رصاص

خواني ~~ وأخواتي =أعضاء منديات أل تليد
مساكم ورد ~ وصباحكم ورد ~
وأسعد الله جميع أوقاتكم :
اليوم جبت لكم هالموضوع ههههههههه ~ للضحك والوناسه ~ " أتمنى أن ينال أستحسانكم ورضاكم "
ولدي المزيد أنتظر أرائكم وردودكم

في حارتنا(دلخ) هههههههههه تصريفه ولا هو في بيتنا
.
.
.
في نهار صيفي مشمس من شهر يناير شباط الاول كنت مستلقي كعادتي بالملحق وفي فمي ماء اقصد زجاره وقوطي حمضيات اطفي به .. كنت منسجم جدآ مع اغنية راشد (دبي دانة الدنيا)
وقتها راشد كان شنب وشدوق وشعر قبل لايخربها ويمرط الشنب ويغني مع يارا ويمسك يدينها في مشهد خقق نص بناتنا ياكافي
ماعلينا..
وأنا أتفرج واشوف دبي ومناظرها الخلابه وعمايرها اللي ذكرتني بعماير السيلكون بشارع موسى بن نصير خطرت على بالي فكره وهي (ليش ما نصيف في دبي)
طبعن بحكم أننا متعودين نصيف في ربوع وثلوث عنيزه واذا خربناها سافرنا حنا وخوالي وخوالهم وعيال عمتهم بخمس طعش جمس وست الاف بزر للطايف نقعد يومين ويتهاوشن الحريم ونرجع ..

لذا كان من الصعب أني أفاتح أبوي بالموضوع لانه يمكن يعتبرني خارج عن نظام ولاية الفقيه بالبيت قررت أني أسوي ميتنج (أجتماع لغير الناطقين بالأوباميه)
بغرفتي مع العائله لنتناقش بالموضوع ..

جمعت أخواني بالغرفه (معيض وعمشه ) وقلت لـ اختي متعهدة الشاهي (منيره) تصلح شاهي للاجتماع وتجينا ..

بدا الاجتماع بكلمه مقتظبه مني شرحت لهم فيها فوائد السفر السبع وأنها هي وعجائب الدنيا السبع عينين براس..
قلت لهم أننا لازم نسافر وأنني أخترت (دبي) نروح نصيف بها..
طمرت (عمشه) وقالت: (دبي سبورت ولا سما دبي)
رمقته بنظره وكنت أحسبها تستهبل وأثاريها طلعت صادقه وعلى نيتها وماتدري أن ديره أسمها دبي قلت في نفسي
(أجل لو تدرين أن ديره اسمها البحرين وش بتسوين) ..
أتفقنا كلنا نكلم الشايب بالموضوع..
أقترح(معيض) اننا نسوي مظاهره سلميه بالحوش ندعو فيها ابوي أنه يوافق على السفره بس خفنا أن قوات الباسيج والحرس الثوري تقمعنا حددنا بعد المغرب موعد القدحه ومفاتحة الشايب بالموضوع..

جا بعد المغرب الشايب متكي ويقرا جردية الجزيره حقت امس وبيده فنجال وحنا مجتمعين حوله كننا في حلقة قرآن..
قلت له : يبه ترا قررنا نبي نسافر لدبي
عطاني نظره من تحت النظاره العريضه اللي حدودها صفر وقال: أبرك الساعات متى تبون بس
بعد كلمة أبوي صابنا ذهول عنيف وصدمه عصبيه..
وقمنا نطالع بعض وحنا بين التصديق والا تصديق
قلت: يعني خلاص يبه نجهز شناطنا
رد وقال: بس عندي شرط
حسيت هنا أن فيه شرط أبن كلب مثل (ألحس أذنك ولا عض كوعك) قال الشايب: بشرط ينجح أخوكم شليويح

يوم قال الشايب شرطه جت موسيقا مثل اللي بالمسلسلات (طننووون) وتقلبت وجيهنا أنا وخواني وبردت ولو تفل بوجيهنا ما مسحناها..
كلنا كنا نعرف أن شليويح تعدى مرحلة الفشل الدراسي ووصل لمرحة (غسل اليد منه) بس أتفقنا وتعاهدنا أننا نحاول ونحاول وبعد نحاول ونضحي بكل شي حتى لو نضحي بالجنين أهم شي ينجح شليويح ونسافر..

د ل خ 666 .. هذا كان لقب شليويح ..فمنذ أن وطأت عيناه المدارس وهو جايب الجريه بكل المدرسه..
لدرجة انهم سوو دراسه وأكتشفو أن نص المدرسين اللي درسوه بالابتدائي جاهم الضغط
والنص الاخر شيب شعر راسهم في سن مبكره
والنص الاخر مات بأسباب مجهوله بعد عدة مراجعات لـ أطباء نفسيين..
مدرس القراءه استدعا ابوي مره وقاله وش سالفة والدكم مع حرف الطـاء؟؟ قال أبوي ليش ؟؟
قاله المدرس كل ما اسأل ولدك عن حرف يقولي (كان مهوب طا يا استاذ)..

حتى مدرس العلوم صابته عقده نفسيه بعد ما سائل شليويحمره عن الاسماك أين تعيش ؟؟ قاله شليويح: في علب التونه يا استاذ

كان شليويح ايام الابتدائي والمتوسط يسوي حفله بالبيت كل صبح عنوانها (منيب رايح للمدرسه) وكان يتخدم أساليب وحيل في غاية الذكاء..
مره يقول عندنا رياضه وبوتي منشق..
ومره يقول عندي واجب ماحليته..
ومره يقول صورة (عم) علينا حفظ وماحفظت..
وكان أحيان يلعب على الوتر الحساس ويحرج امي.،ويقعد يتشكى من بطنه..
وأحيانآ يملا بطنه مويا ويحط أصبعه في فمه عشان يطرش ويغيب عن المدرسه..
في مره من المرات قعد يصيح يقول بطني يوجعني منيب مدوام..
أخذته امي وودته لجارتنا أم سليمان واللي كانت مشهوره بالكوي والطب الشعبي..
يوم دخلت عليها وشاف شليويح النار وهو اللي يفقع ويركض لباب الشارع..
هنا ايقنت امي بأنه نصاب ومابه الا العافيه و أن كل تشكيه بسبب أنه مايبغلى يدرس
جت في بالي فكره..
وهي أني أهيء جو دراسي لشلويح وقت الاختبارت زي جو الدوافير السواريه ..
رحت لمنيره وقلت كنسلي الشاهي وسوي بداله زهورات وكذا ..
رحت وشريت كيلو زعتر وزيت وثوم ..
مريت على كل الدشير أخوياه وقلت أنقطعو عن شليويح فترة الاختبارت وماوافقو الا بعد ما دهنت سير كل واحد منهم ببكتين مالبورو أحمر ..
كلمت المدرس (صلاح المصري) واتقفت معه يجي يدرس أخوي ..
جا المدرس واكتشفت بعد كم يوم أن الحصه الدراسيه كلها تروح تحليل لمباراة الجزاير ومصر وليش أبو تريكه ضيع الجون سحبت على المصري وجبت (يحى الفلسطيني)اللي طرتده بعد ما عرفت أنه مايدرس شليويح كانت الحصه تروح سوالف عن فتح وحماس ومعبر رفع الحدودي

جت ساعة الصفر وبدت الاختبارت ..وبدينا شل أبوك حط ابوك ..
شد شليويح حيله وشد وشد لين حسيته بيتشنج من قوة الشد ...كان كل مايجي واسأله كيف الاختبار ..
يقول:ثلاثينااااات ..واذا قالها طبينا عليه كنه مسجل هدف .. كنت أتخيله بيجيب نسبه وبيحطون صورته بجريدة الجزيره وهو كاشخ
صرت ابرشم له ..وأدرسه ..وأسمع له ..وباخر الايام صرت أوفر له الكوكايين لعل وعسى ينفع ..الين جا اليوم الوعود وطلعت النتايج ..
وكانت صدمه بكل ماتعنيه الكلمه من معنى طلع شليويح ساقط بكل المواد ماعدا الوطنيه والرياضه تحطمت ..
تكسرت منيره ..عمشه أطلقت صرخه مدويه ..
أبوي تفل في وجهه وتله مع علباه(يعني مسكه مع كتفه) وراح به لـ احد ابناء القبيله اللي كان ذو شارب كث وفوق كتفه نجوم وسيوف تجمعهم يطلع الناتج(لواء) توسط لشليويح ودخله العسكريه ..
والان شليويح يدعى (جندي) ومعه(دوريه سريه) ويتمشى بالداريري الشرقي ويفقط هالعالم..
النهايه

.
.
.
قلم رصـاص

الله يرجك يا قلم رصاص وش ذا المصرقع المقلع خخخخخخخخخخخخخخخخخخ

كل ذي كماخه خخخخخخخخ و دباشه بس صدق انه يوسع الصدر

الله يوسع صدرك بالعافيه مثل ما وسعت صدري بالفرفشة هههههههه

الفتى الذهبي
نورت صفحتي بمروووورك المميز’ألف شكر

امدحك على
طرحك
تقبل مرووووووري

مدرس القراءه استدعا ابوي مره وقاله وش سالفة والدكم مع حرف الطـاء؟؟ قال أبوي ليش ؟؟
قاله المدرس كل ما اسأل ولدك عن حرف يقولي (كان مهوب طا يا استاذ)..

حتى مدرس العلوم صابته عقده نفسيه بعد ما سائل شليويحمره عن الاسماك أين تعيش ؟؟ قاله شليويح: في علب التونه يا استاذ

ههههههههههههههه
اما هذه سالفة جد بس والله سيناريو حلو مرة

لاتحرمنا جديدك المميز

جريح الصمت
سعدت بمرووورك الغالي ألف شكر

أبو فواز
تحـ’’يسلمووووو تزينت جنبات صفحتي احتفالاً بمرووورك’’ـياتي