سجل حضورك ببيت شعر

‏بعض الغَـلا مثل العطـر دايم يفـوح
وبعض الغلا لو تدهنه عود ما فـاح
-
وبعض الغلا غالي ومغليـه مذبوح
وبعض الغَــلا بـين المواليف ذبـاح

‏ابطيـت عنّـي وانتـظــر و اتحـرّآگ
ابحث وأدوّر فـي جھـآزي مـرورگ
اضيـق لا من غآب مثلگ وشروآگ
غيبتگ توحش وآلسعـآدة حضورگ

‏يازين ودي أسالك من (غلاتك )
عسى جوابك دبلوماسي و حساس
-
اقدرأكون أهم شخص بحياتك
ولا أنا حالي مثل حال هالناس

‏الفقد و التوديع و فراق الاحباب
أشياء تستأصل من القلب نصّه
-
ونصه يموت بجرح مع كلمه عتاب
الفراق قصه وفقد الاحباب غصه

‏الحبّ .. ما هو ورد وإهداء وشموع
الحبّ بين الخوف وإحساس الأمان
-
تلقاه في ضحكة .. وتلقاه ف دموع
ما يعتمد ... على زمان ... ولا مكان

لا تشتكي همّك ،، على كل مخلوق
مادام ربِّ البيت ،،،، مفتوح بابه
،
إن كان في خاطرك حاجة ومخنوق
شوري عليك بـ ساعة الإستجابه

نويت مرباع الغضي سيد الاحبـاب
قصدي يزول الجـرح زاد التهابـه

جيت وبقايل نارهم حـول الاطنـاب
بيت الشعر مطوي وباقـي زهابـه

اقفت ركايبهم ومنـي الهـدب ذاب
الدمـع يسـري والذهـل بالاجابـه

علمتني الحب وبعدين ولّت
ولّت وخلتني بصدمه وحيرة

ماصدقت اللي بالنظر شفت
عليها صابني مع الهم غيره

كلمات الرحال

ما يستاذن الحب لادخل قلوب المحبين
يدخل وعادي مايهمه زعولن وراضي

وهذا هو الواقع ماتغير من قادم اسنين
الحب الوحيد اللي ما يحكم عليه قاضي
الرحال

ما فادني .. كثر الكلام !
أخترت أكون بدون صوت
'
وحيد ، وجروحي : زحام
ومافادني حتى السكوت
'
عايش ولكن .. مو حرام :
إنّي : من الداخل أموت ؟

ابتسم للناس واضحك للحياهـ
ولو تضيق اليوم قل بكرهـ تزين
.
اعرف ان الله وحدهـ لاسواهـ
قادر انه يبهج الصدر الحزين

لو كان الحب هما وهوجاس
كان تلقني شف المحبين

ولكن هم وفراق واحساس
ناس تسهروناس ممسين
الرحال

كأنك مقسّم على وجيه البشر
‏دايم أشوفك بالزحام وتختفي

‏تدري متى تنبسط وتحس بٱلراحه
لاقامت امك على ممشٱك تدعيلك
.
هذي ترى جنتك وٱلبر مفتاحه
اسعى ورى جنتك لا يرتخي حيلك

‏ناسٍ لا غابت ذكرت السيره العطره
وناسٍ تساوت معاي إن جات وإن قفت
مشكلتي امشي بهذا الوقت على الفطره
والوقت كفا بجرحي والعرب ... وفت