- "شُطْــــآنُ الْبَوْحِ" | الخواطر | | وعذب الكلام | | والأحاسيس| | المنقولة | | منقولات أدبية | |
|
أدوات الموضوع | انواع عرض الموضوع |
#1
|
|||||||||||
|
|||||||||||
قسم بالله ما تنزل غلاته من شراييني..
طفل ضايع ..
على خده ملامح شايب مكسور . . [ ضناه الهم ] و [ اغراه الزمان ] و [ مات بيديني ] اشوف مرايته سودا . . وألعابه حطام قبور وبيته غرفه من طين وأقلامه . . سكاكيني دفنته . . وانتهت قصة غرام وشاعر مغرور. . واخذت من الدموع اكتب . . مكانه وين من عيني ؟؟ لقيته في مناديلي . . يصيح ويشعل التنور . . يقول ارجوك . . تلملم غربة سنيني !! يقول صبري البارح تمادى حده المسعور . . وانا من ذقت غرباله . . طرالي بيت يبكيني . . [ لو اغرق في بحر حبه ] أو [ اشرب من عناه بحور ] [ قسم باله ماتنزل غلاته من شراييني ] بكيت وقال: يا ابن أدم انا الميت . . انا المقبور علامك كل ماجيت . . تزيد من القهر فيني ؟؟ وقلت : الناس يا ابن ادم . . تجيلك كل يوم بدور . . تجي في الصبح تفرحني . . واذا طابت تبكيني . . اشوف الهم يسرقني . . واثاري همنا مقدور . . مدام اليل مايدري . . علام الويل يشقيني . . ومدام الصبح يسرقني . . تعال اكشف المستور . . حكايه من غرابتها . . بدون شعور تطريني . . " مدينه " سورها ضايع وشارع مبتور . . و " حديقه " في مراجحها نبت . . ورد وشياطيني .. و دفتر ملّه الشاعر . . رسم فيه [ الغرام قصور ] . . و " قصيده " من جرائتها . . تقول ألعن عناويني !! و " بيت " بآخر الـ يمينه . . مشهور . . يساره . . اغبر عليه ابكي دواويني . . ومره في لياليها لقيت . . اني بدون شعور . . بديت احب لي طفله . . على الاوراق تغريني . . ! بديت ارسم ملامحها . . ليالي حظها المأسور . . وبدأ طيش السهر ليله . . بدون احساس يسقيني !! وبدا يشرح معاناته . . وانا [ من داخلي مقهور ] . . وبديت اشرح معاناتي . . وهو مثلي يواسيني . . كبرت وشفتها تكبر. . حقيقه تنتمي لسطور . . مابين احساس " يوصلني " الين احساس " يخفيني " شعرته ليلة ظلماء . . لقيته غادتي والنور . . ذخرته في مكاتيبي . . وجنيته حب يحيني . . . . [ أحبه ] . . كثر مامرت من ايام الغرام دهور . . [ أحبه ] . . كثر ماتمطر سحابة في بساتيني . . [ أحبه ] . . كثر مامرت ثواني حبنا بشهور . . [ أحبه ] . . كثر ماتطري ذنوبه في موازيني . . [ أحبه ] . . كثر ماطار الحمام وغرد العصفور . . [ أحبه ] . . كثر ماحرفي سال من حيرته ويني ..[ أحبه ].. كثر ما ازعل من ايام الجفا واثور . . [ أحبه] . . كثر مايسري خياله في مياديني نبتله بالخفى ورده . . سقتها دمعتي بسرور . . قطفها ." بس بالقوه ". وانا مذهول وش فيني ؟؟ حسبته يوم يقطفها . . يقول لي : مشكور ! ولكن راح من عندي . . وانا الاحزان ترويني دخيلك . . ليه تجرحني ؟؟! وانا ارسمك لشذاي زهور . . دخيلك . . ليه في بحرك بدون شراع تنسيني ؟؟ دخيلك . . ليه وباقي سوى اني ابتعد مجبور ؟؟ اخاف اكون في بالك . . مجرد [ شعر يعنيني ] ! بكت كل الطرق بعده . . بكت واستاذنت بالجور . . وبديت ألملم اوراقي . . وأردد . . [ مايخليني ] . . لقيت ان الطفل ميت ! وانا في حيرتي منثور . . مابين اسأل على حالك . . وبين . . الله يشافيني . . دفنت الطفل في صدري . . بكيت وقلت له " معذور " مدام الهم في قلبي . . نمى واجتاح من حيني . . ولكن خل في بالك . . مدام ان الحكي محظور .. مدامك شفتني ابكي . . ترى هالبيت يبكيني . . [ لو اغرق في بحر حبه ] أو [ اشرب من عناه بحور ] [قسم بالله ماتنزل غلاته من شراييني ]. مما راق لي.. الحريصي. نحن لا نملك عصى سحريه لنصلح الماضي.. ونرسم المستقبل كما نريد .. ولكن نسطيع بإيماننا القوي بالله الرضى بما كتب . |
09-09-2013 | #2 |
|
رد: قسم بالله ما تنزل غلاته من شراييني..
[ لو اغرق في بحر حبه ] أو [ اشرب من عناه بحور ] [ قسم باله ماتنزل غلاته من شراييني ] قصيده جميله جدا سلمت يداك ع الاختيار وفقكك الله أخي الحريصي تقبل مروري ,,,,
|
|
مواقع النشر (المفضلة) |
الكلمات الدلالية (Tags) |
ما, من, بالله, توصل, شراييني.., غلاته, قسم |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
لاحول ولاقوة الا بالله | تميم | - القسـم الاسلامـي | 2 | 11-20-2015 01:26 PM |
من يُحسن الظن بالله يجعل له من كل ضيق فرجا | أمـــــــــــــيـــــرة | - القسـم الاسلامـي | 3 | 06-11-2015 10:37 PM |
من أسرار ( لا حول ولا قوة إلا بالله ) حكم وفوائد | أمـــــــــــــيـــــرة | - القسـم الاسلامـي | 3 | 05-13-2015 11:15 PM |
ما حلااااا الثقه بالله سبحانه وتعالى | نسيم الجنوب | - القسـم الاسلامـي | 2 | 12-22-2014 01:31 AM |
موضوع يستحق القراءة (الثقة بالله) | مفرح التليدي | - القسـم الاسلامـي | 7 | 10-17-2012 02:13 AM |