في خاطري كلمة يمكن تبكيك

في خاطري كلمة يمكن تبكيك


وشلون ماأحبك ولا عدت مغليك
............... وانت الدوا لـ انسان دونك يعاني



و وشلون رحت وكل صوتي يناديك!!
....... ياعمري اسمعني ترى العمر فاني



ماقلت لك من قبل ماني مخليك
......... ياكيف تنساني ــ وقلبك نساني ؟



كتبت لك في صدر الايام ابغيك
...... وكتبت لي :.. خلاص غيرك خذاني



حتى جدار الصمت لو التفت فيك
....... بكيت من صمته .. وضيق الثواني



عشقت كل لحظات عمرك وماضيك
...... ومعك : عرفت ان الأماني .. أماني



وسويت لك في داخلي شي يرضيك
...... وان كان مايرضيك ؟؟ ... سويت ثاني



نزعت فرحت خاطري.. ليت تكفيك ؟
....... وزرعتها في داخلك ماكفاني



ضحكت لك وآنا من الحزن أسليك
....... وحبست دمعي لجل أقدم حناني



وصديت وقت الضيق .. مابيك مابيك
...... تشوفني أضحك .. وأنا اللي أعاني



ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني



قد قلت له : مقدر أفارق وأحاتيك
....... وقد قلت له : هـ البعد ياما كواني



لكن حسافه كل صوتــ (ن) يطريك
............... ياما معا نفسي ذكرتك أغاني



بـ ايديك كل اللي حصل اييه بـ ايديك
....... بديت احسك شي ... خااارج زماني



ودامك زرعت انسان غيري بـ أراضيك
........... فـ أنا ماحب يكون غيري مكاني



بـ تغيب ؟ غيب ولكن اسمع محاكيك
....... قبل السفن تنوي بــــــ هجر المواني



في خاطري كلمه< ويمكن > تبكيك
........ ابيك تسمعها / . دقايق عشاني



لو الزمن يعطيك - ماهوب معطيك
........ شخص يحطك بين خفوووق المحاني !!

مما راق لي

في خاطري كلمه< ويمكن > تبكيك
........ ابيك تسمعها / . دقايق عشاني





ماراق لك راق لي بارك الله فيك الاخ تليدي

تليدي وافتخر قصيدة في غاية الروعة

تحياتي لك

	ابو فـــــــــــــــــــــــــــــــــــــــــــــــــ ــــواز:شكرا من الأعماق على المرور

	أبوعبــــــــــــــــــــــــــــــــــــــــــــد الـــــله:يكفيني اعجابك بالقصيده وبيض الله وجهك

	ابو عـــــــــــــــــــــــــــــــــــــــــــــامــ ـــر:عطرت الصفحه بمرورك واسعدتني ردودك

قصيده رائع
يعطيك العافيه
بنتظار جديدك

	كيوووووووووت: مافيك حيله