أنا وشلون أبين لك غلاك ولهفتي للقاك!!

أحبك كثر ماتبرى جـروحٍ لامست يمنـاك
أحبك كثر ما يلجـا فقيـر الحـال لسكآتـه
أحبك بس لو تعرف وش اللي بالحشا ينخاك
وربي لو كشفت اللي بقلبي مـت لرضآتـه
أنا وشلون أبين لك غـلاك ولهفتـي للقـاك
أنا وشلون أعبر لك عن اللي بيـن طيآتـه
أنا لو قلت لك ببعد وبرحل وأنتحي وأنساك
لسانـي وأعرفـه لازّل ياشيّنـه بزلاّتـه
تعال أرجوك شفني من رحلّت وعبرتي تنعاك
تعال وضمني ياحـي ذا الطـاري وضمآتـه
تعال وداوني واللي خلقني يالدواء بشفـاك
يقولون الجمر طب المريـض بحـر كيآتـه
تعال وخل عنك الصد والهجران مايزهـاك
حلاتك توصل اللـي يـم دارك زاد جيآتـه
أنا والليالي وأبيات القصايد فـي أمـل لقيـاك
أقول الشعر والليل الحزيـن يعـدّ نجمآتـه
نعزّي نفسنا ننطر تسابق لهفتـك وخطـاك
نقول إن الخطى تقصر ولا تسبـق للهفآتـه
أماني عاشت بصدري أغاني داخلي تهـواك
تموت إن غبت وإن رديت عاش الليل وأبيآته
أنا مقدر على بعدك على صدك على فرقـاك
يموت بغيبتك قلبٍ نزف لك حـر حسرآتـه
دخيل الصبح في وجهك دخيل الليل لا غطّاك
دخيل الرمش لاسيّر علـى خـدك بسجآتـه
دخيل الجمر والسكر دخيل البلسـم الفتّـاك
دخيل اللي تثنّـى ليـن عذبنـي برقصآتـه
أمانه ترحم اللي شاف منّك صدتـك وجفـاك
دخيلك تدمـح الزلـه وغلطآتـه وهفوآتـه
أحبك من هنا لآخر هنا لآخـر هنـا لهنـاك
أحبك لعنبو حي الرضيـع وحلـو غفوآتـه

كل الشكر أميرة لمرورك العطر

جميل ما قراته هنا يا جووود
شكراً لكِ ودمتِ بخير .