انا بعدك سحاب أبيض اضم الريح بحضاني ..

على ذكرى المواجع والسفر والحل والترحااال
طويت اخر ورق عندي في دفتر احزااني

طويته وانكسر قلبي وصوتي بالمواجع ساال
ودريت ان الظلام اللي تحت كف السهر جااني

جلست اجمع مسافاتي واغني للسفر مواال
على صفحه من الماضي بها حلمي وعنوااني

بها كم سافرت عيني ليالي والظلام اهواال
وبها كم سافرت روحي وانا بالليل وحدااني

حبيبي كل ما اشوفك تجي بالذاكره تختاال
نهر من فاايض الذكرى يجي من داخل اشجااني

تخيل يوم عانقني خيالك خاطري وش قاال
تخيل قبل اسولف لك نشدني عنك وجدااني

نشدني لين خلاني مدينه هزها زلزاال
تخيل ما هدى حتى لقاك بوسط شريااني

اروح لسدرة الموعد معاي لموعدك مرساال
واخاف انك تجي قبلي وترحل قبل تلاقااني

هنا كانت ليالينا غلا والمقبلات اماال
وهنا كانت مواعيدك مطر تخضر بها اغضااني

هنا شف باقي اثارك على رمل الوعد مازاال
وهنا شف دمعةً طاحت من عيونك على شااني

حبيبي لا تنشدني عن اوضاعي وكيف الحاال
انا بعدك سحاب ابيض اضم الريح باحضااني

تسافر بي الذكرى واحسب اني وصلت اخر وطن بالباال
واثرني ما وصلت الا بداية درب حرمااني

وتبقى سيرة الذكرى قصيده تكتب الترحاال
سوالف للعيون اللي صداها "دمعة احزااني"



منتقاة باحساس
اتمنى أن تروق لكم
الحريصي