غالفل الهم قلبي والزمان استدار ..

غافل الهم قلبي والزمان استدار
شوقي الي هويته أصبح اليوم ضدي

طال ليلي ألا وينك أبي هالنهار
ضاعت اخطاي حتى الدرب عيا يودي

يا الغضي كيف اشوف الحلم والنوم طار
والحقيقه تعل الحيل غصب وتهدي

كل حزن تلملم من يمين ومن يسار
واجتمع في خفوق باح سده وسدي

ناظر الحال والعود الخضر كيف صار
الشقى محتويني والتعب مستبدي

خالف الحظ عمري واستثار الغبار
والبيارق تهاوت والهزيمه بيدي

يا الغضي طحت كلي في دهاليز نار
واستحالت دموعي جمرة فوق خدي

آآآه وا شقوت اللي عايش بانتظار
من كثير التعاسه ما درى وش يبدي

غافل الهم قلبي والزمان استدار
شوقي الي هويته أصبح اليوم ضدي


لامست إحساسي بقووووه ..
مع خالص مودتي للجميع
الحريصي..

الحريصي
في الشعر لكـ ذائقه تطربني
أشكركـ من الأعماق..!!