توقفني تقاليد القبايل وتفرض غيابي

" توقفني تقاليد القبايل وتفرض غيابي "

صباح الخير يا شخصٍ ليا مني بغيت أجيك

توقفني تقاليد القبايل وتفرض غيابي

حقيقة قسوتي داخل عيونك وبين يديك

تصفحها إلين آخر حروفٍ داخل كتابي

ترى ذا الحب مشقيني كثر ما دنيتك تشقيك

يضايقني كثير لحد ما ضاقت بي ثيابي

كثير اللي يبون القرب من قلبٍ مناته فيك

وأنا عيني ترى تشوفك مناها وكل أحبابي

أنا مقدر أشيل الهم عن روحك وعن كتفيك

ولا حتى أقاسمك الغياب وأصك لك بابي

أنا محتاره أشرح لك شعور صابر ويشكيك

أكابر و أدفن آلامي وأقول الهم منصابي

ترى بعض البشر راضي وبعض شعوري ما يرضيك

بأني ببتعد عن دنيتك وأصدمك بغيابي

فمان الله يا شخص بغيته يقول لي لبيك

وعيني شافته دايم مناها وكل أحبابي

فمان أغلى ثلاث سنين عشناها وأنا أرجيك

تدافع فيها إحساس المحبه وغاروا أصحابي

قصيده راأااائعه وكلمات جميله..
الله يعطيك أخت تليح تليد

قصيدة روووعة..
صح لسانك ولسان كاتبها..
يعطيك العافية..

أبيات رائعه
يسلمووو تليديه الله يسعدك
دمتي بخير

قصيدة رائعة
أختيار جميل
شكراً تليدية