مجاراه مع الشاعره ريماس بني صخر

اليوم نبغ الشـــــــــعر نشــــعله كاالنار
من ذا معي نجمع حطــــب للهـــــــايب
بشرط يعطيني تفاصــــيل الاخـــــــبار
وفي ساحة الميدان مايكــــون غــايب

ريماس بني صخر

عند القصايد منهج الطيـــــب نخـــــــتار
حنا لها نبغ نشــــــــــــــــــــــد الركايب
الشعر مايعرف صــــغير(ن)وخـــــــتيار
الشـــــعر له مبدا وبه رمح صــــــــايب
واللي معي يكتب جزيلات الاشـــــعار
اللي بها تشــــفى جروح(ن)عطــايب

متعب الريثي
يامرحبا بك عد هــــــمال الامــــــــطار
واعداد ماذعذع نســــــــــــيم الهبايب
يابنت قوم(ن)تعرف الطـــــيب والكـار
واللي نصاهم مابلته المصــــــــــايب
والله يابنت الغلا كـــــــنت محــــــــــتار
من يوم ما ردو جـــــميع الحــــــــبايب

ريماس بني صخر

اهــــــــلا هلابك كثر مافاضــــت انهار
وكثر ماجابت بروق الســــــــــــحايب
ابن الاكارم مثلكم ناس(ن)اخــــــــيار
والنعم فيكم يامن واعز القــــــــرايب
هذا جوابي مـــانبي منـــــــــك تحتار
ان غابـــــــــوا الاصــــحاب للكل نايب

متعب الريثي

اذا حضـــــــرتم مثل والكل حضـــــــار
ولانفكــــــر باالذي كان غـــــــــــــايب
ونقل هلا ياعـــــــــز من قـــــــد لنا زار
من فرحتي قلبي من الهــــــم طايب
في دربكم نزرع لكم ورد وازهــــــــار
ونرشـــــــــــها بأعز نوع الاطـــــــايب

ريماس بني صخر
لكم تحــــــــــيه مع معزه ومقــــــــدار
وانتم سندنا في زمان العجـــــــــايب
وكل البدو في هــــــــــــبة الريح ثوار
واللي نصاهم مايردوه خـــــــــــــايب
هذا قصيدي باالوصف وانت تخــــــتار
واللي معي في الدرب ماهــو بتايب

متعب الريثي
لكن قد يصبر على الدهــــــــــر لوجار
متحمل(ن)في الدرب كل المصـــايب
يابنت مهما قلت من نظم الاشعــــــار
فشعركم كاالشمع في الــودن ذايب
وهذا المجاره بااعـــــــــتبرها كاتذكار
محفوظة(ن)تجلب في وقت الطلايب

وسلامتكم مع تحــيات متعب الريثي

محاورة شعرية رائعه

أشكرك أخي متعب على طرح كل جديد هنا .. وصح لسانك ولسان ريماس

تحياتي لك

اخوي (تليدي وافتخر)صح بدنك ولاهنت ياغالي على حضورك
حضورك تشجيعا لي لاعدمناك
اخوك متعب الريثي

ماشاء الله تبارك الله
محاوره رائعه وراقيه ووافيه من شاعرين وافيين

اعجبتني بالحيل وكنتما متقاربين في المعاني والردود
وكل يرد يجمع الجمال والرقي

اشكرك اخي متعب على المشاركه الجميله
ولاتحرمنا جديدك ,, ولك ارق تحيه

ابو ساري يسعدني مرورك ومرورك دائما ينور منشوراتي
لاعدمناك تحياتي لك اخوك متعب علي الريثي