ياصانع المكياج ربي يجازيك ،😅

:

يــا صانع المكياج ربي يجازيـك
خليتني مخدوع في شكل خلّي

الله يحرق مصنعك مع مباَنيك
والمعرض الموجود في بيكاديلّي

ادعي عسى تعمى وتنشل رجليك
هــــذا دعائي دوم لا جيت أصلّي

خليتني اركض ورا البنت هّاذيك
وأشوفها أجمل غــرام ٍ حصلّي

قلبي عشقها يا(جيفنشي) توماتيّك
وإن شافها قلبي تـراقـص يـهـلّـي

قلت إن سمحتي دون مكياج يكسيـك
ودي أشـوفـك بالـجـمـال الـمـحـلّـي

قالت دقايق راجعه لك وأراويك
ذاك الجمال اللي لعينك يسلّي

ويوم رجعت لي شربكتني شرابيك
وحسيت الأرض تدوربي في محلّي

الخد كنه يا(جيفنشي) سيراميك
والوجه شارع مثل شارع حولّي

الــوجــه كــنّــه بيت كله شبابيك
مــــن هالحفر ويـــلاه ياكبر غلّي

كله سبب مكياجك الله يجازيك
خليتني مخدوع في شكل خلّي

اللي بـــــلا مكياج خلها حواليـك
واللي على المكياج . خلها تولّـي

😬 🙄 😂😂