سجل حضورك ببيت شعر

على الله يا سواليف الصدور وسرها المستور
وعلى الله يا الخفـوق اللي تمنى شيٍ ما ناله

اشهد إن بعض المواقف تحـدّك للسكـوت
تجبرك بالصمت لو انّ في صـدرك كـلام

في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك

العاقل اللي يعرف العدل والميل يحـسب حـسابه قبل يطلع كلامه
للخيـل خيـاله و لـ الــوزن كـيـــل والمحترم يفـرض عليك آحتـرامه.

إرفع جروحك عن وصال الخناجر

نزفك عزيز ومثلك النجم لاطاح

ولاتنحني للريح والذّل فاجر

والخوف ساس الذل والغبن ذبّاح

ما بيننا غيـر ، شاشـه ، في تعاملـنا
.................مع بعض لكن نفرض بيننا الاحترام

من طاب طبنا معه ، وان مال ما ملنا
.................نبقى على الطيب والهقوه ونهج الكرام”

في حجر عينة لي غدير وسحابه

وفي وسط قلبي لة تناهيت وعتاب

إن قلت أحبة يكفي القلب مابه

وان قلت أنا مابية..باصير كذاب

‏الصراحه تندفن لـ أجل الأمان
و الحقيقه واضحه .. و نشوفها

والقطاعه تندرج في هـالزمان
تحت قولة ( خلّها بـ ظروفها )


راق لي هالبيت

يا كم عطينا ناس بس وش خذينا
إللـي شبـع من طيبـنا عقبــها صد
.
مـو شـرط من يضحك معــانا يبينا
يا كثر من يضحك وهو داخلـه حقد

عجبتني الابيات التي بتوقيع اخي

أمير الذووووق


بعد إذنك حبيت ان اسجل بهاا


لا دار للمرء بعد الموت يسكنها ** إلا التي كان قبل الموت يبنيها
فإن بناها بخير طاب مسكنها ** وإن بناها بشر, خاب بانيها

‏إلى متى أدنى الطموحات مرفوض
وإلى متى أضحك و بالقلب عله

لو تمطر الدنيا على العالم حظوظ
أنا علي من القراده ... مظله

الناس تفرح بالهبيّب وانا انحـاس
لانـه يحـرك علـة ٍ محتويهـا


روحي تعذب كلما هـب نسنـاس
تقـول ماكـن المحانـي عليهـا


يزيد جرح القلب و القلب حساس
حتى نسانيـس الهـوى مايبيهـا


ومن عادتي لادك فالصدر هوجاس
اشرد بنفسي في الخلا و احتديهـا


الناس و الدنيا منازل بلا سـاس
رحيلهـا وان طولـت مقــتفيـهـا


ومن هي رصيد له تواليه لفلاس
وبيموت ماشاف الغنى من حديها


هذي هي الدنيا وهذي هي الناس
خسران من علق هقاويـه فيهـا


غرارة ٍ فيها الرجا كنـه اليـاس
حتى ولو جـادت فمنهـا و اِليهـا


اللي يلاقي وجهها الشين ينـداس
واللـي يلاقـي زينهـا يهتويهـا


كم من رفيع ٍ خلته يرخي الـراس
وكم من وضيـعٍ خلتـه يعتليهـا


يشوف فيها العاقل اشكال و اجناس
يزهدبها ويراقـب اللـي يليهـا


فلاباس ياشكاية الوقـت لابـاس
عنـد المدبـر دبـرة ٍ نحتريهـا

شيوخ ماض الوقت عاشوا مطانيخ ،، والروس من كثر الحميا تناخت !
واليوم كلً صار شيخً ولد شيخ ،، حتى الهلايم تالي الوقت شاخت

من قبل لاتاصل وصل قبلها الطيب
............ لاجيت اقبـّل راسهـا .. ريـح حنـّا

الحب نارٍ فـوق روس المراقيـب
........... واللي يعدي الضلع ماخـاب ظنـّه

حبي لهـا مافيـه شـكٍ ولا ريـب
............ كنّه ورى عـوج المحاديـب كنـّه

ماهو هوى اللي في جحور السراديب
.............. واليـوم الآخـر لـو يقفـي نسنـّه

مهما كبرت ولآح في عارضي شيب
................. في عينهـا طفـلٍ صغيـرٍ تحنـّه

امي هواها بيـن ذيـك المحاديـب
............... من تحت رجليهـا والأقـدام جنـّه

يازين لاقالت وهي عنـي اتغيـب
............. ياريحة أمي ريحتـه .. غبـت عنـّه

لاصار بي شيٍ لـو انـه أكاذيـب
............... قامت تجـر مـن المعاليـق ونـّه

يومي صغير ولاعرفت المواجيـب
................ يوم اقصرانا بنـت الأجـواد بنـّه

لآجيت ابطلع قلدت عويـت الذيـب!
................ قالت تـرى بـرا يعضـك بسنـّه!

ولآجيتها بريح الحطب والمحاطيـب
................ ريح الحطب بالثوب قامـت تكنـّه

ماقصرت ربت رجـالٍ اصاعيـب
................. صغيرهـم شقـح العـذارى .. نخنـّه

ابوي اللـي يحـل المناشيـب
................ يومه على رجله وانـا جيـت منـّه

قلته وانا من راس قـومٍ مجاذيـب
............... سيفٍ لنا في وجـه الأعـداء.. نسنـّه

يمـه كبـرت ولا يخوّفنـي الذيـب
............ هالحين انا ذيـبٍ ولـي نفـس سنـّه

جيتك ارهقني الدرب الطويل القصير
جيتك بكل مافي سيرتي من عيوب !
انتي البرد ثم البرد ثم السعير
وانتي الفجر ثم الفجر ثم الغروب !
انتي البحر والشاطي ملاذ الفقير
وانتي الصدق في ثغر الزمان الكذوب !