بنت تطالع بواحد بعين قويه

كان فيه بنت تطالع واحد بعين قوية


المهم الرجال طلع شاعر


وما قصر فيها كتب فيها كم بيت عشان تتأدب

















تابع القصيدة








يقول:





كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون


لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون


لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون


ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون


الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون



تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون



وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون



مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون



وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون



وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون



ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون



وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون



إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون



لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون



آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون



يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟

انتقاء رائع ومميز
ابيات راقت لي ونالت اعجابي
اشكرك كيووت لماطرحتي هنا.
تقبلي مروري ...

مميزة دائما في اختيارك اختي كيوت

لك مني الشكر والتقدير

شكرا لكي الاخت كييوت

مميزة في كل شي

مشكورة كيوت على هذا الأنتقاء الرائع بجد قصيدة جمليه صح لسان الشاعر يسلموووووووو ع الذوق

ماننحرم..... اعذب ورأرق تحيه

عز الله انها تكفيها مشكوووره اختي كيوت يعطيك العافيه

كيوت
مشكوره قصيده رائعه والعبره فيها اجمل وروع
هذي نتجت التسرع
تقبلي مرووووري

كيوت شكرا على النقل الرائع والمميز الله يعطيك العافية

الله يعافيكم والاروع هو مروركم

يسلمووو كيووت ع الطرح
لاعدمنا جديدك يالغلا
تقبلي مروري