من الذكريات

من الديوان
صــــــدفه بلاميعاد في الدرب لاقيت
اللي هـــوى قلبي مــــــن اول لقالي

وعشـــــــــــــت انا واياه مده وياليت
ماقد افترقنا دومت الحــــــــب غالي

وامس العصر يوم انه اقفــــا وانااقفيت
هلت دموعي مثل وبل الغـــــــــيالي

جلست افكر ســـــــــاعة(ن)ثم ونيت
ونة مريض(ن)قال صـــــــعب الدواء لي

ياليت هذا القلـــــــــــــب يرتاح ياليت
واسلم من الهوجاس طول اللــــيالي

وانال من للروح دايم تمـــــــــــــــنيت
واقول للحساد جوي صـــــــــــــفالي

مامر يوم(ن)ياهوا البال وامســــــــيت
ومااذكر اســـــمك ياالحبيب المـــثالي

لكن انا في درب حبــــــــــــك تعنيت
مشيت من شانك دروب(ن)طـــوالي

والحظ ماجاني على ماتمــــــــــــنيت
ومالقيت الا التعب والعنــــــــــــــالي

هموم زادت كل مااصبحت وامســيت
وعزي لمن مثلي طوته الليـــــــــالي

قدمت شكوى للطبيب وتشــــــــكيت
قلت الله يخليك هــــــــل من دواء لي

فقال والله ياولد فيــــــــــــــــك نعييت
امرك غريب(ن)ليس مثله طــــــــرالي

فقلت هل من فـــــــــــــايده قال ليت
ماظن يوجــد لك دواءي(ن)يقـــــــالي

قلت الله يجازيك ثم قمـــــــــت ناديت
من جاب لي المحـبوب واعطيه مالي

فقال كم لك تشتكي قمت عــــــديت
ثم قلت خمس اسنين مرت طــــوالي

فقال هل فارقت من كان حــــــــبيت
فقلت خل(ن)هوعزيز(ن)وغــــــــــالي

فقال ماينفعك غيـــــــــــــــره وياليت
تلقاه وينســـــــــــــــيك هم الليالي

كلمات متعب علي الريثي

شاعرنا / متعب الريثي
نشتاق دوووما لصفحاتك وننتظر بشوق كلماتك
أسعدني الكوث بين سطورك الراقيه
والتي تحمل كل المشاعر الجميله والمعاني الراقيه
وفقك المولى وأسعد قلبك
دمت ودام لنا نبض قلمك المميز
شكرا لك

صح لسانك شاعرنا المميز
ويعطيك الف عافيه كلمات اعجبتني

قصيدة رائعة وكلها معاناة وألم
صح لسانك شاعرنا

الف الف الف شكر لكم كلا من الاخت الاستاذ
طيف والاخت الاستاذه نسيم والاخت الاستاذه
السوسن واعذروني لعد الرد على كل واحد
لضيق الوقت ربي يحفظكم وتحياتي لكم
اخوكم متعب الريثي