كليتها يابو الشباب مفلفله

أخباركم إن شاء الله امنيحين00!!
هذي أجمل قصيده سمعتها لمحمد جار الله السهلي00!!
يااااااااااااااااااااااااارب تنال عَ رضاكم واستحسانكم00!!

أترككم معَ القصيده :

احضّـرك واتلـوا عليـك البسملـه
والفاتحـه والغاشـيـه والزلـزلـه



واعلّمـك وش الحديـث المنطقـي
من شان تعرف كل شـي ٍ تجهلـه


خدمه .. بقدمها بـلا شـرط وثمـن
يا صاحب آفـاق الخيـال الممحلـه


وماهيب من بـاب المـوّده والغـلا
لكّن من بـاب احتـواء البلبلـه !!


كنت احسب ان سود الليالي ربّتـك
واثرك على نفـس العلـوم الاولـه



موّسـوس وحالتـك حالـه مزريـه
الحلـم قدامـك وعاجـز تاصـلـه


على مدار العام مـن قـل الثقـه :
بينك وبين الشـك والريبـه صلـه


ذكائك المزعوم حاجـه مؤسفـه !!
تضحك علـى تفكيـرك وتستغفلـه


سويت نفسك فاهم الوضـع وذكـي
وكليتها يا بـو الشبـاب مفلفلـه !!


ما احد ٍ جبرك تضيع وسط المعمعه
وتستصعب الموقـف ولا تستسهلـه


القصد واضـح والمعانـي واضحـه
ليه اتمادى فـي الحكـي وتؤّلـه ؟


طويق ثابت والجبـل يبقـى جبـل
فلنعتبـر هــذا ســؤال وعلله ؟!


شفت ان مالك بالثقـه موطـأ قـدم
كـب الغـرور المفتعـل ولاّ اقتلـه


وان عوّدت نهـج وقناعـات وفكـر
الاجوبه ترضـي غـرور الاسألـه


المرجله لا صارت هايـط وشعـر
مـا عـاد ابيهـا لعنبوهـا مرجلـه


وان كانهـا مواقـف وقـول وفعـل
ماعندي الا : تـم وابشـر وازهلـه


خذ لك نصيحه كانت تسـام بجمـل
يا مسيلمه او بالاصح يا عبهلـه !!


لا عاد تخطب في شبـاب المجتمـع
ريّح .. وخل الدين والنصـح لهلـه


ولا عاد تشهد زور فارجـاء البلـد
وتبقى كذا مـن مرحلـه لا مرحلـه


حتى ابليس بيستحي من كذبتـك !!
من كبرها ما هيب من ضمن عملـه


واليا بغيـت الجـد سجّـل مايلـي
واستحملـه واستوعـبـه واتقبـلـه


ماهوب عيب انـك تغيّـر منهجـك
العيـب وانـواع الخطـا والمهزلـه


انـك تجـي كلـك وتستنقـد فئـه
على فعل وانت اول اللـي يفعلـه !!


راجـع حساباتـك وفكّـر واتعـض
واضرب على نفسك جميع الامثلـه


ان كان ما انت بكلهـا مثَـل مثَـل
مـاوالله اقـول الشعـر واسترسلـه


خلاصة الموضوع كله ( من - إلى )
بيت ٍ يوضح لك غموض المسألـه :


أنا .. لو اني مـا لعبـت بحسبتـك
ما كان يسبب لك قصيدي مشكله !!


------------

تحياتي : أبو سهام التليدي

صح لسان السهلي....أبيات جميلة

شكراً أبو سهام

على جهودك....دمت بصحة من الله

ما شاء الله كلام جميل وقصيدة اروع

سلمت يمناك على هذا النقل الرائع
أعجبني ذلك جدا جدا
تقبل خالص تحياتي وتقديري

الأزرق صحت يمينك وصح لسان قايلها
انت دائم تجيب القصائد الجميلة من ذوقك
اشكرك على هذي المشاركة الحلوة

ابو سهام

أبيات جميلة

الله يعطيك الف عافيه
بـ إنتظآر جديدك
دمت بسعاده

قصيده جميله
مشكور اخوي

راااااااااااااااااائعه


و جزااااااااك ربي خيرااااااااا

أشكر الجميع لمروركم العطر
عساكم عَ القوه حبايبي

ابوسهام
قصيده رااااائعه وكلامات قويه في نفس الوقت
شاعر مبدع وذوقك أخي ابوسام أروع لختيارها

أبو منير
تسلم عَ المرور
عساك عَ القوه
لاهنت أخوي