موقف حقيقي !؟

موقف حقيقي حصل معي شخصياً
أنا عندي مبسط في حديقة في حي القيروان في الرياض
وغالب أقاربي وزملائي يعرفون ذلك
ومعظمهم يأتي للحديقة بعوائلهم ويشترون من عندي
ويجلسون أقاربي وزملائي معي على فرشتي

والحمد لله ماعندي شي أخجل منه أو استعيبه ...

البارح وأنا واقف امام المبسط ابيع كالعادة وانا لابس الكمامة
حضر لي شخص تجاوز عمره الخامسة والأربعين تقريباً

وكان لابس كمامة ومعه زوجته كاشفة الوجه
بعباية ملونة وعلى درجة من الجمال
وعطرها اشمه من مسافة مترين ...

وطلب مني تجهيز كاسين شاي ومكسرات وقارورتين ماء ...
واثناء تجهيز طلبه سألني بكل وقاحة وقلة أدب وقال لي :
ليه تلبس كمامة ترى الشغل مهوب عيب ولا مستحي أحد يشوفك من ربعك؟؟؟

ومن حظه السيء أنه كان يكلمني وهو شايل الكمامة
وعرفته شخصياً ومن يكون ...

قلت في نفسي جابك الله وجابتك اللقافة ...

قلت له والله ماعندي شي أخجل منه وانا لابس الكمامة
تطبيق للنظام ومستعد افك الكمامة وتصورني
وتكتب اسمي رباعي على الصورة
وانشرها لأني ماني خجلان من شغلي في المبسط ...

وقلت له انت سألتني سؤال مباشر وزوجتك سمعت السؤال ...
ممكن أسألك سؤال مباشر وماتزعل؟؟؟

قال لي اسأل وقلت له :
تقدر تمشي مع زوجتك اللي كاشفه وجهها وانت شايل الكمامة؟؟؟

قال : عايدي مافيه مشكلة انا لابسها مطبق النظام
قلت له : وزوجتك مالبستها وين تطبيق النظام؟؟؟
يعني زوجتك أشجع منك؟؟؟

انت لابس الكمامة محرج من اللي يمشون تخاف تقابل احد
من جماعتك وزملاؤك ويشوفون زوجتك كاشفة وجهها ...

يعني انتوا طبقتوا نظام البشر وخالفتوا أمر رب البشر ...

الآن لو قابلك أحد زملاؤك وجها لوجه ماراح تخجل أنه
بيشوف وجه زوجتك ويشم عطرها؟؟؟

وشلت كمامتي وقلت له :
مساك الله بالخير يافلان عرفتني هالحين
وعرفته باسمي ووجهت الكلام له وزوجته وقلت :

لعل هالموقف يكون درس لك ولغيرك
أن طاعة رب العالمين أولى من تطبيق نظام اشوفك على خير ...

تراجعت زوجته وابتعدت عن المبسط ...
وأصاب الرجل الخجل لأنني شفت زوجته وشميت عطرها ...

واخذته على جنب وقلت خاف ربك واستر عرضك انت ولي أمرها
ومسؤل عنها أمام الله ولاتدخل في نوايا الناس
وكن رجل وليس ذكر فقط ...

انت سترت وجهك خجلا من الناس وكشفت وجه زوجتك سفورا ...
وغادر الموقع بكل خجل

وبعد ساعتين تقريباً عاد الرجل واخذني جانباً وقال :

إسمح لي أن أقبل رأسك والله رجعنا للبيت مباشرة
وكانت زوجتي تبكي طول الطريق وكلها ندم
بعد سماع كلامك...

واقسمت أن لاتكشف وجهها مستقبلاً لغير محرم لها ...

ودعا لي ولوالدي وأن اعتبر زوجته اختا لي
ثم غادر وانا اشكر الله على أنني كنت سبب في تصحيح خطأ ...

نهاية الكلام استروا محارمكم خوفاً من الله وعقابه...


الكاتب / بندر محمد ..

هذي الايام صار طبيعي نمشي بالشارع ونشوف الكاشفات وبرضى والدينها او زوجها او ابنائها ومين يجرأ يتكلم في موضوع زي هذا امامهم عز الله مايسلم من ابو زعبل لانها تعتبر حريه شخصيه قبل امس مقطع انتشر لوحده لابسه لبس مثير ونزلت الشارع وتجمعو عليها شباب يكلمونها واليوم تم القبض ع كم واحد بتهمة التحرش هههههه
لكن كلا عقله في راسه ويسوي الي يبغى دامت ماتعدا ع احد في حساب وعقاب في الاخره
قصه جميله ومنها عبره كبيره
الف يسلموو ندا ع النقل

ما أجمل النصح بحكمة وفهم وحجة وإقناع
بعض الكلمات كوقع السيف أثرها غائر تدمي القلب وتفيقه من السبات
رغم أنها تحمل في طياتها حباً وخوفاً على المخطىء
نسأل الله الثبات على دينه وأن يحفظنا من الفتن ماظهر منها ومابطن
موضوع قيم ندى الجنوب وكعادتك لا تأتين إلا بالمفيد

تميم
والسوسن

شكرا لمروركم واضافاتكم الجميلة

تقديري ولاعدم ..

جميل أن النصيحة كانت بطريقة ذكية
وارجل كسب الأجر إن شاء الله
وكيف للزوج أن يرضى بخروج زوجته بهذا الشكل
قصة جميلة ندو

الاجمل مرورك اختي عروبة

الف شكر وكل التقدير ..

انتقاء جميل
سلمت يدينك

البعض من الكتاب او الشعار
يستخدم الذكاءونتقاء التعبير المناسب لكي يكسب اكثر عددمن المتابعين

ندى الجنوب

اشكرك جزيل لشكرعلى هذاالابداع في الاختيار
انا وغيري متابعين الكل مواضيعك بكل الاقسام بها الموقع موفقه الخير

قناص الجنوب
وملك الشرق

الف شكر لمروركم الكريم ..