وقفة خاصة لشعراء الوطن

جميل من ان نجد من يعطي اهمية للشعراء وشعرهم ويظهر اهميتهم بكل فخامة
موضوع جميل ومختلف
سلمت يمينك ويمين من اكمل معك (ندى الجنوب)

وقفة مع احدى روائع صاحب السمو الامير عبدالرحمن بن مساعد/

:
سيد جروحي شمس عمري وظلي
البعد طول والخطا منك واضح
اذا غرورك يمنعك تعتذر لي
تعال جنبي وابتسم لي واسامح

تدري احبك لكن الموت ذلي
ادوس انا قلبي لو الشوق جامح
الله اعطاك الحظ واصبحت خلي
والله اعطاني اياك بعضي ملامح

سالتني يا ياسميني وفلي
يا كيف يشفي الورد والشوك جارح
مثل العيون الي لها كل كلي
زايد حلاها لكن الدمع مالح

سيد جروحي شمس عمري وظلي
الحب بعد وقرب نخطي وصافح
اذا غرورك يمنعك تعتذر لي
لا تعتذر لي قول اسمي واسامح

وقفة مع قصيدة الدكتور غازي القصيبي رحمه الله /

أجــل نـحـن الحـجـاز ونـحـن نـجــد

هــنــا مــجــد لــنـــا وهــنـــاك مــجـــد

ونــحــن جــزيــرة الــعـــرب افـتــداهــا

ويــفــديــهـــا غـــضـــارفـــة وأســـــــــد



ونـــحـــن شـمــالــنــا كـــبــــر أشـــــــم

ونـــحـــن جـنــوبــنــا كـــبــــر أشـــــــد

ونــحــن الـبـيــد رايـــــات لـفــهــد

ونــحــن جمـيـع من في البـيـد فـهــد



ونـحـن عسـيـرنـا مطلـبـهـا عـسـيـر

ودون جـبــالــهــا بــــــــرق ورعــــــــد

ونـحــن الـشـاطـئ الـشـرقــي بــحــر

وأصـــــــداف وأســــيــــاف وحــــشــــد.

المشاركة الأصلية كتبت بواسطة عروبة وطن

جميل من ان نجد من يعطي اهمية للشعراء وشعرهم ويظهر اهميتهم بكل فخامة
موضوع جميل ومختلف
سلمت يمينك ويمين من اكمل معك (ندى الجنوب)

الاجمل مرورك العذب استاذة الروعة والجمال
تشرفت بمرور معرفك الفخم

وقفه للشاعر الراحل غازي القصيبي


لا تسأل الركب


لا تسأل الركبَ بعد الفجر هل آبُوا

الرَّكبُ عاد وما في الرَّكبِ أصحابُ

تفرَّقوا في دروب الأرض وانْتَثَرُوا

كأنَّه لم يَكُنْ عَهْدٌ وأحبابُ

ما في العَناقيد من أشعارهم حببٌ

والخمر من بعدهم في دنها صابُ

يا طارق الباب رفقًا حين تَلْمَسه

لو كان في الدار خِلٌّ صفَّقَ الباب

بعضُ الدروب إلى الأوطان راجعةٌ

وبعضُها في فضاء الله يَنْسَابُ

وقفه من ابيات حكمة

الشاعر: سليمان بن شريم:

وربعك الى بان الخلل فيك عافوك
اقرب قريب لك من الناس يشناك
ان كثر مالك اصدقولك وطاعوك
وان قل ما بيدك شانت حلاياك
لو تطلب الماء عندهم كان ما اسقوك
ابعد مزارك عن وطنهم ومرباك
وان طاب حظك اصدقولك وحبوك
وان بار كل ما يبي غير فرقاك
وهراجة المجلس الى جيت وروك
منازل تطرب نظريك بدنياك
والى قضوا منك اللوازم وخلوك
تفرقوا وانت احتمل لحل ما جاك
كنك سراج البيت للنور شبوك
واللي انقضى اللازام حد الربع طفاك

وقفه للشاعر خالد الفيصل



الناس تفنى والمباني والاملاك
والقول يبقى والخبر للتوالي
الشعر معنى حكمته بعد الادراك
وما كل يلمع على النور غالي
والشعر صور شاعر فيه تلقاك
اما لبس لك جوخ ولا سمالي

وقفه للشاعر تركي بن حميد


ترك عشير عشرته يوم او دون
ثم يبدل بك عشير وينساك
شف لك قطامي على السد مامون
درع القفا ما ينهض الراس لحذاك
اللي الى اوحى الناس فيكم يهرجون
حامي على عرضك ويدمح خطياك

وقفه للشاعر محمد عبدالله القاضي


تكلفك بامر ما يخصك جهالة
وتبعدك عما كان يلزمك له قافي
ولا تصافي كود حيد صميدع
غيور على الصاحب نصوح وميلافي
ولا تلوم النفس في جاري القضا
مالك عن المقسوم يالعبد مكافي
يا شرهل المعروف منك بتواضع
وهل الشر باشرهم بشر وتستافي

عزاه ياقلبٍ من أعوام ماطاب
إليّا طرى بخاطري شوق صايل
ياليتني ما بين ربعه والاحباب
أسمع سوالف صايلٍ دون حايل
إليّا سوالف صايلٍ بريح الاطياب
زادأشتياقي كشوق الصحاري لصايل

عبدالرحمن الزبن

وقفه للشاعر الأمير خالد الفيصل

مـــــــا بقــــــــى بالعمـــــر إلاّ ضحى شَمـسْ
فديـــت بـــه ديــــــــــني وداري واهَلْــــــــــــها
ما قــــــد ذَخَـــــــــــــــرت اليوم عنها ولا أَمــسْ
هي عشـقـــة افكــــاري وغايـــــــــــة أمـَلــــــها
أَجْهَرْ بهــــــــــــــا مانيــــــــــــبْ انا اقولها هَمسْ
عـــــــــــادات أبوي وجـــــــــــــدّي اللي صقَلْـهــا
حنّــــــــــا هَــــــــــلَ التوحيـــد اذا غيرنـا هَــــــسْ
وحنـــــــا هَلَ التطـــــــــــوير صَقْــــــــــر وجمَلْها
نــبني عــلى مبـــنى السّلَــف عـــــــزّة الــنّفْس
ونفاخر الــعــالـم بنـــــــــادر مثَلْــــــــــــــــــــها
ونسابـــــق الأيـــــــــــــام ونوَرّد الخَمـــــــــــــس
ونكســـــــــــر مخالــــــــــــــــب من يدوّر شكَلـْها
ومن لامسَــــــــتْ اصابعـــــــــه حـدّنـا لَـــمْس
نقطــــــع يدينـــــــــــــــه مــادرى وش فصَلْــها
ومــا دام سلمان الحــزم لقّن الـــــــــــــدّرْس
ما همّنـــــــا غــــادي الحيـــــــاة وهَمَلْـــــــها

وقفه لقصيدة الشاعر خلف بن هذال
جعل السحاب اللي معه برق ورعود
يمطر على دارٍ وليفي سكنها
يسقي وطن منتوقة العنق يا سعود
مالي وطن بالعارض إلا وطنها
قلبي غدا واستسيره لين العود
محدن يفك القلب يا سعود منها
ساطي وفي كفه قديمي وبارود
ودخل يده بين الضلوع ودفنها
بيني وبينه وصل وأسرار وعهود
مصيونة ما تدري الناس عنها
في كل عام يزود حبه بعد زود
اقفى بروحي والتوا في رسنها
أموت بين الخد وعيون السود
وحواجب ربي بملحة قرنها
وشعرٍ بدهن العود والمسك منظور
جديلةٍ تضمني واحتضنها
ليلٍ جمعنيبه عسى ليت ويعود
يبعد عن النفس الحزينه حزنها

وقفه لقصيدة خلف بن هذال


أنا والليل خلان و رفاقة
أخذته عشق وأخذني عشاقه
أوضح له ضناي ما بروحي
ويفتحلي على الغياض طاقة
ألا ياليل وش عندك وعندي
يقول من تكدرله مذاقه
عيونه من غرام الشوق تهمل
عبايرها على ذيك الدقاقة
وأنا بنهاية التسعين هجري
إلي خل عجزت أقوى فراقه
مضى عام وثمان سنين كني
كسير عيب الجبار ساقه
يفزع بصياحه هجوع ناس
لهم بالنوم والراحة علاقة
ألا ياليل يعرضك وطولك
أنا وياك لا عاد الصداقة

مساحة جميلة وتصفحها لا يُمل .. شكرا اخي الصامت

يقول سعد بن جدلان ..
أثر الزمن دوار وأيامنا طيش
ومواجه الأيام يحتاج صمله
الطير ياكل نملة الأرض ويعيش
وإن مات.. ترجع تاكل الطير نمله

وقفه للشاعر خلف بن هذال
جريت صوتي تالي الليل جره
والناس هجعا وأرفع الصوت بأبيات
ولقيت في سود الليالي مضره
كم كلمة ولّت وراحت ولا جات
النوم يعرض للعيون وتمره
مر الكرام اللي خطاهم سريعات
تلبس حرير وبنت الاحرار حره
عمهوجة تغدي لها النفس توقات
دنيا تزيّن للغرير وتغرّه
بين الليال وبين الأيام غرات
غارة زمان ويكفي الله شره
أدري الهوى والنفس وإبليس ما مات
احذر عدوك دبه العمر مره
واخذ الحذر من صاحبك عشر مرات