قصة مضحكة جدا

قصة طريفه ان شاء الله ماهي مكرره

(( قصة طريـفة و واقعيـة ))


جلس ذلك الرجل على السرير الأبيض ... في إحدى المستشفيات في
بلدنا الحبيب .وكان كل جسمه شاش ورجلينه كلها جبس


وما تسمع إلا الآهات ماغير يحن ويون من الأوجاع اللي فيه


عاد أنا قلت يمكن إنه مسوي حادث قوي أو إنه محترق أو أو أو ... إلخ
المهم جت الساعه 4 العصر
وبدأ وقت الزياره أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟وعلى هالحال كل من جاء
وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزيارة وأنقز له على طول !
وأتشافا له وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟
المهم قلت له : أنا أشوف اللي يجونك ما يرحون من عندك
إلا و ضحكهم واصل آخر المستشفى ! قال لي : هههههههههه
ليـش عاد أنت حاسدنا على الضحكه ؟قلت له : لا يـاخوي مو
كذا السالفه والله لو عندك مليون كان لا يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .قال لي : طيـب ولا يهمك ... أنت مثل ما
تشوفني مكسر ومربط بالشاش .
قلت له : أيـوه والله ... الله يشفيك .
قال لي : يا طويل العمر أنا ساكن في شقه في الدور الثاني ،
وعندي بلكونه مامن زيـنها ،
وإذا نمت فتحت باب البلكونه وطفيـت النور وتسدحت على السرير .
ويوم نمت على السرير . وغصت في أعماق أعماق نومي ،
حلمت اني في يوم القيامه ! وحلمت مثل ما تقول ان الناس في
مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ...
فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق ..
روح باص الجنه .. اوووه الحمدلله أرتحت .
ومشيـت أدور على الباص اللي مكتوب عليه إلى الجنه ...
وحصلته ودخلت فيه .
مشيـنا بالباص وبعد فترة جاتنا لوحه مكتوب عليها



الجنه 50 كيلو**** النار 100 كيلو


وهذا وحنا مع اللوحات .. والله ونتعدى الجنه ...
قلت يمكن السواق يـعرف مكان لباب ثاني .


شوي وشفت النار 15 كيلو ... وبعد شوي النار 10 كيلو ...
وكل شوي نقرب من النار .


يا رجال وش السالفه .. المشكله الناس ساكتيـن
وما أحد قلقان في الباص إلا أنا .

قلت بدخل عالسواق وشفته معطيني ظهره ...
هي أنت وين رايح ؟


قال لي بدون ما يلتفت : رايح النار يا حبيبي .
قلت له : أنا من أهل الجنه .. وليـش توديني
النار يا وجه النحس ؟!
وألتفت لي ... طلع هو إبليس !!!
الله يلعنك . أنا من أهل الجنه .. يا ملعون لا توديني النار ..
أنا من أهل الجنه .
والله العظيم إني من أهل الجنه ، تو من شوي قايلين إسمي ،
وقف يا ملعون ، وقف يا ملعون .
وهذا أنا أصارخ ... وهو بأنواع الضحكات الشريره هاهاها ...
هاهاها ... هاهاها ...
قلت له : يا ملعون وقف !!! أبي أنزل !!!
قال : والله الباص هذا مبرمج على انه ما يوقف إلا في النار ...
تبي تنزل أقفز منه .
وركضت على الباب وفتحته ... وهوووب
ولا وعيت إلا في المستشفى ... قافز من البلكونه ...
في الحوش !




القصة حقيقيه ... وحصلت لواحد كان منوم في
مستشفى المجمعة العام


يا جماعة تعوذو من ابليس قبل ما تنامو


منقول

ههههههههههههههههههههههههههههههه

من جد تووحفه اشوا انه مامات شكله مسوي نفسه زورو يوم ينط من البلكونه

من جد المفروض الواحد لما ينام يقرا الأذكار ويتعوذ من ابليس لأن النايم ممكن يسوي الدواهي


..

يسلموو جنوبي ع التونيسه

هههههههههههههههههههههههههههههه

من جد حاله غريب بس كيف يوم وعى

تذكر الحلم وتذكر كل شي

من جد لازم الأذكار قبل النوم تحصين النفس زين

جنوبي
ربي يعطيك العافيه عَ النقل

تحياتي وتقديري

جنوبي

من جد البلكونة ماثرة عليه

اشكرك من اعماق القلب على هالطرح الرائع

دمت كما تحب ان تكوووون

الهووووووووووووووووووووووووووووووى.

هههههههه...

الأذكار....حصن المسلم.....وتخليك على الفراش ....لا باصات ولاهم يحزنون.....ههه

الله يوفقك أخي جنوبي....

شكرا لكم جميعا وماعليش التأخير ولازم من الأذكار
وخاصة من اللي في الدور الثاني فأعلى انتبهو من باص
النار لايدق لكم بوري وتنطون من
البكونات عشان تلحقون عليه هههههههههههههه
تحياتي لكم وعساكم ما تشوفوشر