عينك لي وطن ..

للجنون عيون وعيونك وطن
والوطن من غير حسك وش يكون.

لا شوارع لا مداخل لا سكن
لا حياه ولا ممات ولا سكون.

في خفوقي من صدى صوتك شجن
تلعب بقلبي مثل لعب الغصون.

خذني قلب و احاسيس و بدن
لو تهون الناس قربك ما يهون.

وافرح بوصلي وخذ شعري مزن
وادمح احزانك ولاهم يحزنون.

انته لحالك زمن داخل زمن
اتلذذ في عذابك و الطعون.

أنت لحظة حلم في لحظة شجن
والتزامن .. يعطي اللحظة عيون

الحياه القاك وفراقك كفن
صوتك اللي جاب لي حاله جنون.

انت بحر مانجت منه السفن
كل من مروا ببحرك يغرقون.

انت مالك لا شبيه ولا ثمن
فوق هامات السحب منته بدون.

ودي اشعر بالأمان وبالأمن
وانت تسكن وسط قلبي والعيون٠

صوتك الدافي مع الوجه الحسن
ضيعتني بالقصيد وبالحون

ليلة البارح ما غمض الي جفن
ودي ادري في حياتك ويش اكون.

لو تغيب.... العمر بـ اهديك الثمن
الثمن : بـ اسـمك خلايا ينبضون.

يسهرونك .. يرسمونك لي وطن
ولاوطن دونك.. ولا غيرك يمون



مما راق لي ..

الحريصي .