الصداقة والأخوّة .. حمام ياللي فوق الأغصان

حمـَـام يا اللي فوق الأغصان غنَّـى -- غَـرِّد و أنا بعدك بغرِّد و أغنـــّي
جّر اللحن و ( اشْلَع ) على ما تمنـّـى -- مالي و لا لك غير كـِثر التمنّــي
عمرٍ مضى و أنا أسمع اللي يونـــّا -- و أهِـلِّ دمعي لاسمعته و أونِّـــي
ما هو وَلَعْ باللي تِهِزّ و تـثـنـّـى -- و لا هو طَرب ؛ من زين صوت المغنّي !
ما زاد من حُــبِّ العذارى حزنـَّا -- مهما على درب المحبَّــة دَعَـنِّـي
ما همنـّي بعيونهن لو غزنـّـــا -- و ما همني سهم النظر لو طَعَـنِّــي
بس الخوي اللي حسبناه مِنَّـــا -- و اللي على فرقاه كِنَّـا نـِحِنـّـي
اللي من أول لا بغانا زبَنـّـــا -- لامِنّ مِيلات الدهر مَيَّلَـنِّــــي
سهمه سِـطَـا بالروح يومٍ طعنّـا -- نيران غدره بالحشا ولـّعنـّــي
يا طير قل لي وش حصل في زمنـّا -- كيف الذي يَظلم يعيش متهــني
كيف الذي نِغْلِيه يَرخِص ثمنـّـا -- عن واجبه مَعْنا يِصِدّ و يِكِنـِّــي
حِنـّـا الخطأ يا طير نرفاه حِنـّا -- و حِنـّا على أحسن ظن دايم نِظِنـِّي
لكن بعد ما زلّ زاد وغَبَنـّــا -- يوم ادّعى إن الجور يا طير مِنِّــي
يا طير ، يا طير السَّعَد لا تَعنـّا -- و أنا معك يا طير أعينك و أعِنـِّـي
خِذني معك يا طير لحظة تُونـّـا -- دامي معك يذهب غثا البال عَنِّـي
و إن ردّد القُمْري لحونه و ثَـنّى -- أردد الألحان بعده و أثَـنِّــي

أبو فيصل مبدع يالغالي
صح لسانك ياكبير ابيات جميله يعطيك ربي العافيه
تقبل مروري ولك احلى تحياتي
أخوك /كااكااكااكااكااكااكااكااكا

يا طير قل لي وش حصل في زمنـّا -- كيف الذي يَظلم يعيش متهــني


ابيات جميله جدا سلمت يداك الاخ ابو فيصل

ابيااااااااااااااات راااااااائعه

سلمت يمناااااك ابو فيصل

لك ودي وتقديري

	مشكووووووووووووور تسلم يدك على ماطرحت ويعطيك ااااااالف عافيه تقبل خالص تحياتي