قصيدة ام جمانه رحمها الله

تقول أم جمانه ..
**

جنون الليل خيّم في سواده .. وماتت دمعتي في وسط عيني
قلوبٍ وسطها جهل وبلادة .. تقاليدٍ تقطّع في وتيني
بديت انساك ياطعم السعادة .. ظروفٍ فاصلة بينك وبيني
بكيت ودمعتي بالعين عادة .. سببها واحدٍ من والديني
وحزني ماخذٍ كل الريّادة .. وهمّي لو نسيته مانسيني
كبرت وماكبرت إلآ قراده .. و كنّ الجرح واضح في جبيني
عمر خمسة عشر مابه زيادة .. ولكن ضعفها حزنٍ يجيني
تفرْعن والدي ظلم وجلاده .. تقاليدٍ ماهي من شرع ديني
وزوّجني لواحد من عناده .. سنينٍ واجده بينه وبيني
بياض الراس زايد عن سواده .. على ضرّه عنيدة ماتبيني
حملت وجبت مولود بسعادة .. فرحت وقلت هاتي ياسنيني
يتيمة فرحتي همّ ونكادة .. ولكن بعدها يخطف جنيني
اخذ مني صغيري في مهادة .. عطاه لـ ضرتي قدام عيني
سكت وقلت يهنا في مرادة .. بكيت وقلت وش تقدر يديني ؟
وجبت الثاني بـ تالي رماده .. وخفت ان راح يذبحني حنيني
و شاله والده غصب بـ عتاده .. وانا همّي بعدهم يكتسيني
حملت بـ من ملت قلبي رغادة .. وقلت الموت لاراحت يجيني
خطفها ماعرف معنى العبادة .. وسلّمها لها و اقفى اللعينِ
بكيت وقلت وش ترجي حصاده ؟؟ وتمتم مقفيٍ في كلمتين
اخذتك مصنع جابوا وِلادة .. ولكن ماحسبتك تفهميني
وسالت دمعتي فوق الوسادة .. بكيت ومابكيت الا سنيني
انا ام اطفال بـ اوراق وشهادة .. ولكن الامومة ماتجيني
لو اسمع من جمانة قول دادة .. حكايتها ترد الروح فيني
جمانة طفلتي مابي زيادة .. طلبتك ياجمانة تسمعيني
انا امك يا منى القلب ومرادة .. وطيفك مارحل من وسط عيني
ومايملك خفوقي من ركادة .. تحوّل للجنون بـ لحظتين
متى حظي يبي يسرد جوادة ؟؟ تعبت و لاحد ماخذ يديني
جمانة طفلتي مابي زيادة .. طلبتك ياجمانة تسمعيني

اقسم بالله عورني قلبي

اخذتك مصنع جابوا وِلادة .. ولكن ماحسبتك تفهميني

والله لو قصة حقيقية هذا يبي له قص راس هو وابوها .. حسبي الله على هالناس اللي ما عندها رحمة ولا انسانية
الله حسيبهم

بلفعل القصه حقيقيه
وقرأت عنها كثير وبحثت وطلعت صحيحه
وقد نزلتها قبل سنوات لكن مدري
هنا ولا بالمنتدى السابق اللي أغلق
قصه الييييمه قبل 15سنه تقربيا
..
وصارت ترا انشوده.. وهذا رابطها
الله يرحم الام والله ياخذ كل ظالم
ويربط ع كل قلب مظلوم
https://safeshare.tv/x/LjQP4ZTupTo#

تسلم ي تميم
يعطيك العافيه
وجزيت خير

الله المستعان .. وين القضاء عن هالحالات وين حقوق الانسان
هي انسانة ولا بقرة
رحمة الله عليها
استغفر الله

فعلا القصه حقيقيه مثل ماذكرت السفيره واقتبست القصيده دون القصه
وياكم في الدنيا من قصص ومظاليم وهذي الام توفت في حادث سير ولكن مابيضيع حقها عند الله
مشكورين جميع لمروركم ولاعدم

والله يا استاذ تميم كأنها خيال
ماقد خطر على بالي ان في نوعية غريبة من البشر فاقدة الاحساس بالعدل ومشاعر الانسانية بهذا الشكل

انتقاء جميل
سلمت يدينك