سجل حضورك ببيت شعر

‏لا دق رقمھ وانا الجوال في جيبي
وانا مخـصص من النغمات لھ رنھ

اقول شطر ما هو نظمي وترتيبي
ياجعل من ورد الجــوال للجــــنھ

‏كل اخذ له من.. دنياه مقسومه
ناس عطاها الله وناس حرمها
والنفس ماهي من الزلات معصومه
يا الله تجاوز عن الزلات واسترها

‏اطيب للطيّب فخر وآتأسف
اذا حصل تقصير مني وفيني
واذا تطيبت بـ ردي ماتحسف
دفعة بلا عني وعن والديني

‏تبسم .. جعل من جابك لـ عيني الجنه
تبسامك بوجهي يحسسني أني غييير
ٓ
أحبك " وحبي لك " بلا فضل ٍ ومنّه ..
عساك تحيا وتدوم وتبقى معاي بخير

‏أحلى هدية في حياتي وجودك
جتني من دروب الصدف بـابتسامة
.
بالأمس خايف لاتعـدى حدودك
واليوم اسمك فـي خفوقي فخامة

‏محشوم يا حبٍ تعانق مـع الروح
راعيك غالي وانت بـالحيل غالي
حبٍ عفيف وما ابي منه مصلوح
طاهر ، وقدره داخل القلب عالي

حنا العرب يــــا مدعين العروبة
وحنا هل التوحيد وانتم له أجنـــاب
وحنـــا شروق المجد وانتم غروبه
وحنا هل التاريخ وأنتم به أغــراب

خالد الفيصل

‏كل ماجاني من الغالي قصور
قلت عادي طيبه يغطي رداه ..

ألتمس له عذر واقول معذور
غالي ومن حقه يجرب غلاه ❤️

يا الله يا معطي الطير قوته بجناحه

و معطي القوة لعبادك المخلصين

إرزقنا كما الطير يوم يصبح صباحه

يلقى أكله مقسوم من رب العالمين

إجتهد كما الطير لا تعتمد الراحه

يهون تعبك برغد و عيشة الفالحين

‏تعبت اراعي غلطة الناس واسكت
إلى متى والجرح يسكن خفوقي.؟

من زود ما أسكت بدا الوقت يثبت،
غلطة سكوتي يوم ضاعت حقوقي

لا تعاتبي ارجوك يكفي اعتاب
ليه تحرق قلب مغليك بعتابك

اما حبيبك ومحبك ماله عتاب
عاتب من شافك محتاجٍ وسابك
شعر الرحال

يالله عسى وجهي مع النـاس وآحد
لو كآنت ظروفي ، لهآ عدة وجيه !

‏لاضاق صدري قلت لاباس ..
مافيه مخلوقٍ من الـهم خالي

يالله عساني بينها و بين الأوجاع
. اللي فداها نبض قلبي .. و دمّه
اللي ليا من ضاق همي بالأضلاع
. ساقتني الخطوة لها وصحت يمّه
.

‏اللي يعزك مايشوف الردّى فيك !
ومن يكرهك حتى ب خيرك يذمك