من أجل عين تكــــرم مدينهـ ..

من طبعي ارد الإساءهـ { بالاحسان }
وأساير ظروف الزمان اللعيــــــنه ..



وأطوف الغلطهـ من { أفلان .. وفلان }
يعني من أجل { عين } تكــــرم مدينهـ ..



الكامل الله والخطا طبع { الانسان }
والدرب يفرق عن يسارهـ ويميــــــــنهـ ..



و { ـالصاحب } ا للي لـهـ معزهـ ولهـ شان
ان جاني بـشيـــــنهـ .. تذكــــــرت زينهـ ..



اتحمل اخطاءهـ معي { قدر الأمكان }
من جـــــانبي تبقى العــــــــــــلاقهـ متينهـ ..



واللي { يغلطني } وانا ماني بغلطان
اصـــــابعي احطها { وسط عينه } ..



مادامني مسلم وفي قلبي إيمــــــــــــــان
عمر{ البحر } ماشال هم السفينه ..



مرت علي { انواع .. واشكال .. وألوان }
بين { العقول } الناقصهـ .. والــــرزينهـ



يعني اذا حاجتكـ { بيدين عدوان }
يكفيكـ شر المهزلهـ .. والغــــــبينهـ ..



من{ كثر ماجاني } من الناس خذلان
تحرجني حتى كلمة { الله يعـــــــــــينهـ }



صحيح لي { ربع .. وجماعهـ .. وخلان }
وأضيق لكن حاجة الناس.. شيـــــــــــنهـ



الشخص دام انه بكل شي{ خسران }
تأكد انهآ من عمايل { يديــــــــــــنهـ } ..



من مرحلة { حب .. ومشاعر .. وحرمان }
إن مالــــــعنت الحـــــب تلعـــنهـ سنــــــــينهـ ..



اكتب شعر واعزف من { اشواقي الحــآن }
واسلي قلوب الغــــــــــــرام الحزينـــــــــــهـ .

مــــــــنــــــــقــــــوووووووووووووول

جميل جدا ..صح لسان الشاعر ويعطيك العافية على النقل المميز

ابو شلهوب

صح بدنك وربي يعافيك على هذا الحضور اشكرك

صلح لسان الشاعر
وتسلم يمين الناقل
قصيدة رائعة جدا معانيها عميقة
عمق من كتبها
شكرا جنوبي

ابو فواز
العفو اخوي شكرا لك على التواجد في موضوعي تشرفت

جنوبي
تسلم ايديك
الله يسعدكـ ويعطيكـ العآآفيـــــه
لكـ كل الشكر والتقدير