احد ضحايا العولمه

ياخي ضحايا هالتطور .. كثيرين
........................ // والعم ( نور الدين ) آخر ضحيه
:
:

عشرين عام ونور ماشي علىالدين
........................ // مافي موظف ( بالعليان ) .. زيه
:
:

خلوق ، وحبيّب ، وطيب ومسكين
......................... // ودايم على نفسه يبدي .. خويه
:
:

يمشي حسب ممشى العمل والقوانين
......................... // ومأدّي الواجب .. بنفسٍ رضيه
:
:

ربك بلاه .. وجاب له مدري منين
............................... // بلية ٍ .. ياكبرها .. من بليه
:
:

بدل ( رهيب 2000 ) بالفارس ( 2000 )
.......................... // ويامن شراله من حلاله .. أذيه
:
:
ركب من النغمات .. ( ياليل يا عين )
................. // ( وعل الهودلك .. يابه .. وعل الهودليه )
:
:

وكل مااتصل به شخص طنش له شوين
..................... // يعني اسمعـوا .. نغمة جهازي قويه
:
:

فجأه / دخل مديرنا بخاطرٍ شين
....................... // منهو جهازه ؟؟ جاوب ( الزول ) ليّه
:
:
قال اقفله .. لا اكسره فوقك الحين
............................ // وشوي سواله .. ملف وقضيه
:
:

وقع تعهد وانخصم منه يومين
........................... // من دون أدنى .. ذنب والا خطـيه
:
:

ضحكت من قلبي وانا اقول ياشين
.............................. // ماقلت لك يانور .. خذ ( فيصليه )

// خلف المشعان//

صح لسانك

اخي الكريم طرح جميل

يعطيك العافية

صح لسان الشاعر الكبير خلف المشعان
وسلمت يمناك اخي الكريم على الاختيار الرائع
تحياتي وفائق ودي

صح لسان الشاعر الكبير خلف المشعان
شكرا اخي الكريم على الاختيار الرائع
انت مبدع دائما
وتحياتي