ديوان الشاعر * حامد زيد *

( هموم بهموم )




من يوم فرقانا الى يومنا اليوم
مافات يوم الا وهي مشغلتنـي
إليا غفيت اشوفها في حلا النوم
واليا صحيت بكل الافكار جتنـي
عشقتها من قلب ميس ومحروم
وتركتها يـوم انهـا عاندتنـي
نار تشب بداخل القلب بسمـوم
حاولت اطفي ضوها واحرقتنـي
دنيا ثقيلة كلها همـوم بهمـوم
كني حملت جبالها فوق متنـي






( وش اللي يجبر الشاعر )





انا والليل والعبـرة وجـرح وخاطـر ٍمكسـور
ونفس من هجيـر البعـد والحرمـان مقهـورة
وقلب ظامي لشوفـك ولايـروى ظمـاه بحـور
وعين تحتري لحظة غيـاب الطيـف وحظـوره
ونـار تنطفـي مـره ومـره تشتعـل وتثـور
واقول النار مقدورة وهي مـا هيـب مقـدورة
حسبت الليـل بغيابـك يمـرن الليـال دهـور
وكني شايـل بقلبـي ليـال الوقـت وشهـوره
تصبرت وتقدرت وبنيـت مـن الخيـال قصـور
إليـن ان الجفـا شـد الركايـب وانتهـى دوره
تحريتك على درب القصيد مـن ثـلاث شهـور
وحشا ما مات لك غصن يشف الماي بجـذوره
تخيرت الغـرام وجيـت لا راضـي ولا مجبـور
وجيتي تسبقيـن خطـاك مرضيـه ومجبـوره
وانا ما كان لي رغبه أبين واكشـف المستـور
ولكن الجمـال أكبـر مـن الخفـاق وشعـوره
جمـال وود وعيـون ودلال وكبريـاء شعـور
وفتنة تخـذل عيـون النهـار وينطفـي نـوره
ولك في خافقي صوره تلاشت بين ضـي ونـور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربـي المهجـور
والا يا جملـة أيـام الجفـا والصـد مشكـورة
خذتني للجفـا عـزه واخذنـي للعنـاد غـرور
واخاف اكون بعنـادى حبيـب ومـات بغـروره
وإذا كانـت مسافـات الخيانـة للغـرام قبـور
وش اللي يجبر العاشق يخون ويحفـر قبـوره؟
وش اللي يجبر الشاعر يدور للشعـر جمهـور؟
مـدام انتـي محبينـه وعشاقـه وجمـهـوره






( قالها حامد )





تماديتي وأنا مثلـك تماديـت بهجـر وبعـاد
وكـلٍ مثّـل عنـاده خفـوقٍ ثابـتٍ صامـد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبـك الجامـد
أبضحك وأظهر البسمة ولو إن الجروح اجداد
وترى قلب الحريقة ضو ولو وجه الحطب رامد
بكون أكبر من الغلطـة وبعلـن للهوا ميـلاد
إذا كان الخطا منـك مجـرّد ثـورة الخامـد
وإذا كان الجفا منّك مسافات وغـلا وعنـاد
تراي أكبر من عنادك وقولـي قالهـا حامـد





( من تحت لتحت )





لو تعرف الخطايا كيف كنـت محـروم
كان سود الليالي يوم طحـت سمحـت
لو هموم المفارق مثـل كـل الهمـوم
ماتشوفون عينـي بالدمـوع سبحـت
ولو تحن المشاكل عقب حب الخشـوم
كان حبيت خشـم المشكلـه واستحـت
بين صـدة عزيـز وكبريـاء مهـزوم
عين شحت علـى وعيـنٍ استسمحـت
بس مالله خلقني مـن بكـاي معصـوم
وادري انه المحاجر لو تفيض افضحـت
والله اني على جرحي صبـور وكتـوم
لكن ان الدمـوع ان روحـت روحـت
اعذلتنـي ظروفـي وانهكتنـي عـزوم
والوجيه احزنت لي والقلـوب افرحـت
اشهـد ان الليالـي ماتعـرف السلـوم
قلب جافي لقاه ووجـه صافـي بحـت
راهنتنـي تبلـل بالدمـوع الكـمـوم
ويشهد الله عليهـا راهنـت واربحـت
احرمت نور عيني من غلا ريـم قـوم
بـذرةٍ وارتوتنـي واثمـرت واطرحـت
جـادلٍ دوم ماهـي مثلهـا كـل يـوم
استضاحت غموض وبالغموض اوضحت
دورت بين قلبـي والهـدب درب نـوم
وامرحت وين مـدري المهـم امرحـت
تنحت اسمي بقلبٍ جيـت فيـه معـزوم
واسمها بين جلـدي والعظـام انحـت
مثل جفني لعينـي بالنعـاس محكـوم
كل مانمت نامت كل ماصحـى صحـت
ماتعارض كلامي غيـر عنـد اللـزوم
بس لا قمت اسولف واندمجت سرحـت
دايم ازعل عليها بـس قلبـي رحـوم
وهي تموت بعذابي من تحت لي تحـت
مثل وجه العلاقه في ثيـاب الخصـوم
ان تطيبت طابت وان جرحـت اجرحـت
خصها الله بوصفٍ من خيـال معـدوم
لا اذان اسمعتبـه ولاعيـون المحـت
كن ربي خلقهـا مـن بيـاض الغيـوم
ومن كفوف السحابـه بالـورد القحـت
عن سواها فرقهـا بالقمـر والنجـوم
وكل عذرى تباهـا بالجمـال انزحـت
بالحلا هي كوم وباقـي النـاس كـوم
كفـتٍ عادلوهـا بالبشـر وارجـحـت
حسبي الله على اللـي مابغاهـا تـدوم
من بعد كيف كانت شوف كيف اصبحت
لاتحقـق وصـال ولا فـراق محتـوم
خطـةٍ قربتنـي للفـشـل وانجـحـت
لعنة العشق تبقى مثل ضرب السهـوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدمـوع فلحـت
كانهـا بالحميـا كـل ربعـي قــروم
لو يلدون لاصعاب الظـروف صلحـت
اجزم ان كنت ياقلبي شجـاع وجـزوم
لـد لعيـون بنـتٍ لا التفـت الفحـت
ماتهيـن البخيـل الا يديـن الـخـدوم
دام كـف الخطايـا بالجفـا لـوحـت
نطح الباس باس ونطـح اللـوم لـوم
وان تهـدت تهـد وصيـح ان صيحـت
ياتعيـش بمعـزه ياتمـوت محـشـوم
ودك ان الليالـي لافعـلـت امـدحـت
عمر ضعـف الاراده مايسـر الرخـوم
ضربت السيف لوبيدين الشجاع ذبحـت





( رد السؤال )





انتبهت لدمعها بالهـدب والكحـل سـال
لين جفت عينها دمـع والقـاع ارتـوى
وابتدت لحضة جفا ونتهت لحضة وصال
وأنطفى نور السعادة واحسب انه ضوى
ما اكتفيت من الهوى والغرام أربع ليال
واقفت أيام التلاقي وجـا وقـت النـوى
كنت ابلسى وابتسم والتفت عنها شمـال
لا قويت الصد عنهـا ولا قلبـي قـوى
ما هقيت ان الهوى عذب قلوب الرجـال
لين ضاع القلب مني وتفكيـري سـوى
رحت أدور دفوة الشمس ضيعت الضلال
جيت اطفي شعلة النار والقلـب انكـوى
ماهقيت ان السعادة خيـال فـي خيـال
تروى قلوب الحبايب وقلبـي مـا روى
كنت ابشتال الهوى والهوى ثقل الجبـال
وان تحملت الجبل ما تحملـت الهـوى
كنت ابسلى بالهوى والهوى صعب المنال
ما رضا لي حظي اللي طواني وانطـوى
قلت لا فراحي تعالـي ولا قالـت تعـال
والخفوق ان قلت ابقبل على صدي نوى
الله أكبر لا شرقت شمس يتلاهـا زوال
كيف ابفرح في صباح مع الليال استوى؟
لاحصل بالحب قسمة ولا جا لي مجـال
غير اشوف معاند الجرح وعناد الـدوى
شبت النيران واقفت وجـاء رد السـؤال
ما تشب النار يا كـود يوصلهـا هـوى






( غرام أحباب )





على ذاك الطريق اللي يسمونه غـرام أحبـاب
وطت رجلي على دربه ولاأدري وش نوى فيني
تبعته لآخر دروبه .. ألين أن القمر قـد غـاب
تعـب قلبـي ، ولا تعبـت مسافـاتٍ تودينـي
لقيت الليلة الجردا : هدب ظل وسما واعشـاب
بعـد ذاك الظـلام اللـي يتوهنـي عناويـنـي
صدفتك معجبه فيني وياليت..الغرام : اعجـاب
وتراك انتي الهنوف اللـي هقيتـك تستحقينـي
عطيتك عشق من قلبي..وسلمت لغلاك رقـاب
وغيـرك يحتـرق قلبـه ولا يقـدر يحاكينـي
أنا قبلك صدفت عيون لكن ويش جاب لجـاب؟
ترى كل العيـون اللـي لقتنـي مـا تكفينـي
رماني حظي العاثر عليك وجيـت لـك طـلاب
ولا أنتي اللي عشقتيني ولا انتي اللي عتقتينـي
تعالي واعتقي ذاك الخفوق المولـع المرتـاب
مهب لاجلي ، عشان الله يجازيـك ويجازينـي
تعدي في سما عشقي ولو عشقي خراب أصحاب
وصوني بالهوى نفسك قبل لا انتـي تصونينـي
وشيليني على متنك : خفوقٍ بـاريٍ منصـاب
ومن فوق الغرام العذب .. شيلينـي وحطينـي
ولا منك هقيتيني شجـاع ومـا يطيـق يهـاب
أنا لك بالهوى والله مثـل مـا انتـي هقيتينـي
أنا ما أمشي ورا غيرك ولو أنه يطـق البـاب
وترى عيبٍ عليّ أطعن..ولو كثـرت سكاكينـي
زهودٍ مـا يطيـق الـدم لا دايـن ولا طـلاب
شجاع وعارفٍ نفسي وأظـن أنـك تعرفينـي
غيورٍ ماعرفت أضحك مع الغدر ببّرود أعصاب
أبيـع عيونـي الثنتيـن قبـل أنـك تخونينـي
إذا شد الغرام .. اترك خفوقي : بين ناب ونـاب
لفرقى تكسر ضلوعي .. ولا عشـقٍ يوطّينـي
أنا رجلٍ ولي غيره .. وإذا شفت الهوى كـذاب
تثـور بقلبـي الفزعـه ولا تهـدى شياطينـي
سؤالك لو يزعزع بي كياني ما قبلـت عتـاب
اجي لك وأسالك نفس السؤال اللـي سألتينـي
عن العشق القديم أبواب .. تقفيها كثير أبـواب
بعد ذاك الحبيب اللي خدعنـي وانخـدع فينـي
أبي عشق تحسب له كل نظرات العيون حسـاب
وابي قلبٍ علي قلبي ، وابى دينٍ علـى دينـي
وابي نظرة عطا توفي ولا تخلف بدون أسبـاب
وابي منك قبـل لا نتـي تصدينـي .. تودينـي
وابي دربٍ على العذال صعبٍ ومتعـبٍ وغـلاب
وابي نفس الطريق الصعـب يبعدهـم ويدنينـي
ترى لو للقلوب عيون ولدموع العيون أهـداب
حشى ما تنزل الدمعـه لغيـرك لـو تركتينـي
أنا أول من عرف قدرك وأنا توي صغير وشاب
وابي منـك مـا دام أنـك عرفتينـي تحبينـي
ما دام أني لقيتك في طريق أسمه غرام أحبـاب
دخيـل الله ، وبعـد الله دخيلـك .. لا تخلينـي
ما دام أن كل من يحيا على وجه التراب تـراب
عسى تنساني الدنيـا مـادام أنتـي ذكرتينـي

	بيض الله وجهك يابوسفيان على نقل هل الديوان الرائع وصح الله لسانك يا الشاعر المبدع حامد زيد شكر لك اخي الكريم تقبلا مروري

الشاعر حامد زيد شاعر كبير ومعرفو

ويعجبني جدا

شكرا لك ابو سفيان على القصائد الجميلة

تقبل تحياتي

شكراً لك اخي الكريم ابو سفيان
لك مني اجمل تحية وتقبل مروري

مشكورين يالغالين
على مروركم
ولكم تحياتي

ابوسفيان

قصايد روعه تسلم يمناك

يعطيك العافيه على الطرح الجميل

تحياتي لك