ميت على قيد الحياة

ميت على قيد الحياة




كان الصديق وكان مضرب للأمثال

يهذي كأن الله خلقه فــ قصيده

يطرب - إذا سمّعته الشعر - بهبال

يرد قاف العجز وأرجع وأعيده

يحفظ سِيَر عشّاق وأبطال أبطال

وفكل قمرا له ملامح جديده

طاهر وأكثر حيل من طهر الأطفال

تشعر معه إن الأماني سعيده

طيّب كريم وتسبق أقواله أفعال

بالمختصر يعني « وليده وليده »

يحلم وأحلامه عريضات وطوال

أصغرهن إنه يلمس الشمس بيده

يعني كذا ! تقدر تقول إنه أرتال

من أمنيات وصبر حاول يبيده

عيبه فقط ! لو أن أمانيه بريال

يسكت لأنه عايشٍ عـ الحديده

كنّا نفضفض للشوارع عن الحال

ونشعر معاً إن الليالي بليده

نهيم ونغني للأحزان موال

ونهدي عصافير الصباح لنشيده

مرّه تضايق! قلت له: كيف الأحوال

حشرج وكسّر دمعته في وريده

يقول تدري: هالوطن صعب ينقال

اكتبه ياخي مثل ماحنا نريده

أنا «انسرقت» وما خطر لي على البال

إن الأماني في بلادي زهيده

ضيّعت عمري أبني أحلام وآمال

وما كنت أحسب أشيا بسيطة بعيده

ما كنت أحسب الشمس تحجب بغربال

ولا كنت أحسب «الصدق» يصبح مكيده

لوكنت راعي ( ... ) وإنسان حيال

يمدي رصيدي ممتلي من رصيده

شفني غديت من الوهم كلي أسمال

أحزن ليا حان إحتفالي فـ عيده

واقف على رصيف الأحلام بطّال

وبكره عيالي يارثون الحديده!

كلمات جميله وممتعه
يسلموو ع النقل الجميل السوسن

كلمات رائعه وانتقاء اروع
سملت يدينك