عصبـــــــي فتح منتدى .....تعالو نشوف شروطــه

السلام عليكم..

في واحد عصبي فتح منتدى تعالوا نقرأ شروطه..

,


,


لقد تغيرت شروط التسجيل في المنتدى وتم تغيير مسمى المنتدى لتواكب مرحلة ما بعد الحرب الباردة.


اعرفوا الشروط زين وافهموها .
واللي ما يبي هالشروط جعل اصابعه اللي طقت على الكيبورد الكسر .
ولو ما عليه كلافه يطق راسه باقرب جدار حنا ما نلعب.
واللي يبينا حياه الله بيننا فهمتوا.
بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع فاللي يبي يسجل معنا يوافق على الشروط من ورى خشمه والشروط هي:



1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس قايلكم حنا ما نلعب.



2_اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وبرضخ به على خوص نخله...علشان ما يعود لها. قايلكم حنا ما نلعب.



3- انتم اعضاء لكم تكتبون بس ولااحد فيكم يسوي لي فيه مراقب مانبي مراقبين فهمتوا ولا افهمكم.



4- مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا صح ولا ماهو صح...قولوا صح لابارك الله بالساعه اللي جمعت هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش ساحتنا وحنا حرين فيها.



5- اللي بيسجل باسماء قبايل وعوايل ولا مخله بالادب هذا بنوديه لا اقرب شيخ وبنكويه من علبااااه..وبعدين بناخذه لأقرب جليب وبنغطسه وبنطلعه ونغطسه ونطلعه الين مايقول اشهد ان الددسن سياره قايلكم ما نلعب.


6- قريتوا الشروط.
هاه عجبتكم فهمتوها...
طيب ما عندنا تسجيل هالايام .
واللي يبي يسجل معنا يرسل لي ايميل على التلفون حقي اللي ماني ذاكره لكم لان الدعوه عناد واللي براسه حب ما انطحن تراي ابطحنه له واذا فيه خير يقابلني وين ما يبي.



ملاحظه: اللي بنكتشف انه رجال مشورب ويكتب باسماء بنات .ولا بنات تكتب باسماء رجاليه هذولي بنخلي خششهم كلمات متقاطعه يصعب حلها. .والله ما يضرب بعصا يا سرع طيحتهم.


موافق

غير موافق

واللي فيه خير يكتب غير موافــــــــق.......

ملتووووووووشن

خخخخخخخخخخ اتمنى تعجبكـــــــــم

خخخخخخخخخخخخخخخخخخخخخخخخخخخخخخخخخخخخخخخ
هههههههههههههههههههههههههههههههههههههههههههههه

غير موافق هههههههههههههههههههههه غصب عني ههههههههه

شكرا فزوـولها

والله اني خفت ولا عاد بقيت اكمل الموضوع

غير موافق

ههههههههههههههههههههههههههههههههههههه

غير موافق هههههههههههههههههههههه غصب عني ههههههههه

شكرا فزولها

موضوع مميز وشروط لا غبار عليها وبصراحة انا اقترح ان نعمل تصويت على هذا الموضوع وعلى المشرفين ومن طلع له الاغلبية يجعل هذه الشروط كشروط لقسمة في المنتدى
لان هذي الشروط إلا بلاش

فاذا بغيتو هذا ما عليكم سوى اخباري بذلك

شكرا بارك الله فيك

	شكرأ (فزولها) انا مووووووووووووووفق

مشكوره فزو لها
تقبلي مروري