سعة الاخلاق كنوز الارزاق.

‏قبل اسبوع كنت في عزيمة واخبرنا احدهم بقصة بقيت عالقة في ذهني وحتماً ولا بد انقلها لكم : يقول عندي صديق في الطايف يعمل مدير فرع في احد البنوك وتقدم لوظيفة في بنك آخر وجاته الموافقة ولازم يسافر للرياض لحضور المقابلة الشخصية وفعلا ركب الطيارة وسافر للرياض ‏
يقول بطل القصة سافرت الساعة 7 الصبح والمقابلة بعد ثلاث ساعات وركب جنبي في الطيارة طفل وبجواره
والده جابوا عصير ما شربته فطور ما اكلته قالي الأب شكلك تخاف من الطيارات قلت لا بس عندي موعد
مهم ولا معي الا هالثوب اخاف يتوصخ والا ينكب عليه شي يقول شوي الا الطفل معاه عصير ‏وكان
كثير حركة وشقي ومادري كيف قال وكب العصير فوقي من ياقة الثوب الين الشراب يقول بغيت اغرق
من كثر العصير الأب انفجع لانه يعرف سالفتي مع الثوب وانحرج وجا بيضرب الولد يقول وانا ادافع عن الولد
واخذه واطيب خاطره واهدي الأب وابتسم واقول حصل خير ومن هالكلام يقول مافيه حل ‏صار اللي
صار وهواش الولد المسكين ماراح يفيد يقول وصلنا وانا ثوبي فشيلة وحالتي حالة ولافيه وقت ادور
سوق واشتري ثوب واوديه اكويه المهم اخذت لموزين ورحت البنك وادور مسجد حوله وقعدت اغسل
ثوبي المهم جا موعد المقابلة ونادوا اسمي ودخلت ‏يقول لجنة المقابلة كانوا ثلاثة اللي في النص
يوم شافني بغا ينهبل ! نعم ياخوان طلع ابو الولد اللي في الطيارة يقول ويقوم ويستقبلني ويرحب
ويهلي ويعلم اعضاء اللجنة بالسالفة ويعتمدون توظيفي بدون اي سؤال يقولون اللي هذا تعامله
في موقف مثل هذا يستحق الوظيفة وهالحين يقول لي معاهم 7 سنوات

سبحان الله في سعة الأخلاق كنوز الأرزاق ..
( اللهم ارزقنا حسن الخلق يارب )💙

Up....

هذا لاقالو رب ضارتاً نافعه
حرص واجتهد وامتنع عن الاكل والشرب والله كتب له ثنتين
كتت له ان الولد يكب عليه العصير وكتب له انه يتوظف بدون اسأله وبدون تعقيدات
سبحان الله يرزق من يشاء والواحد ماياخذ إلا ماكتبه الله له
شكراً لك اختي ندى على الطرح الجميل

تواجد مميز اخي قناص

شكرا لمرورك وجمال ردك

تقديري ولا خلا ..