نزعل ونتكبر وحنا من الطين..!!

نزعل ونتكبّــر وحنا من الطيـــن
والكل منا صــــدّ لا أقبل خويّــه.!

نفخر نقول إنا على الصد قاوين
وهــيّ علينا في الحقيقـة قـويه

نشفق على الطيبة وكسب الكريمين
وهذي بنا لاشـك فعـله رديــــــــه.!

ننسى نهايتنا وعلى وين ماشيـــن
وننسى الزمان اللي جمعنا سـويه.!

المــشكلة ماهي بـ حاجة لــ تخمين
ولاهي بعد ياناس صعب القضيــه.!

دق الرقم: كيفك.. هلا فيك.. وأهليـن
أنــا الخــوي اللـي مـزعّــل خويــــه

قلّه: تغيب وصـــورتك داخل العين
ويبقــى لـ قدرك في خفوقي بقيـه

إخوان حنا لو يجي بيننا شيــن
ومانفتـرق دام المعـزه نديــــــه

خلك قــوي لاتحتـكرك الشياطين
قبل الفوات وقبل وقت المنيــــه

كلّم خويـك بـــ أطيب الهرج واللين
وأعرف جميل الهرج يمسـح رديــه

هذي هي الدنيا من الحين لـ الحين
لابد بين الناس تحصـل خطيـــه

ومن لا يقدر غلطة أصحابه الحيـن
يقـــــرأ حــروفي ويعتبرها هــديه

باكر تمر سنين وسنين وسنيـــــن
والـكل يرحـل في الدروب المـديـه

صدقني تندم وأذكر حروفنا زين
على ابن عمك إذا غاب ضيّـــــه

دنيا غريبــــة وأكثر الناس ماشين
وكم واحـــدٍ والله إدفنته يديــــه

مهما كثرت الخلافات كن أنت الكريم المبادر بالصلح

قال الله تعالى:
(فمن عفا وأصلح فأجره على الله )

قصيدة من ديوان قحطان وبني هاجر

حقاً مهما كبرت الخلافات كن انت الكريم المبادر بالصلح ..

راقني هذا الإنتقاء الجميل يا جود
سلمتِ ودمتِ بهذا التميز .

وأسعدني تواجدك الطيب أخي الحريصي لا عدمناك

أبيات جميلة تحث على كل خير ..
أدام الله الود و التآلف بين قلوب المسلمين و أرفعنا اللهم بالتواضع

إنتقاء فاخر
سلمتِ يا أجودية
:)